YEHEZKIEL 23:29 - WUKE SUSI WATTI'U AL᷊AL᷊USASSA

²⁹ Ana waugu i mangitou maddantinnu, al᷊awo'u inasaharannu sarun aṛṛoanni mangitou. I'o sarun itantangnga tantol᷊e wal᷊atta ere sangkatou sumasandaga wuṛṛu maola'a wabbialannu awada'alla. Apulum baddangngu wuṛṛu sasandagu

YEHEZKIEL 23:29 Referans Kwoze

YEHEZKIEL 16:39

I'o sarun Ta'u itantilla su manga arangnguannu udde, wuṛṛu i mangitou sarun mapaṛṛa'a manga tampa i'o sussandaga wuṛṛu massubba paal᷊uanna. Al᷊awo'u laungngu wuṛṛu lal᷊ogakku sarun aṛṛoanni mangitou, ma'oman sara i'o matantol᷊e.

YEHEZKIEL 23:18

Napawe wua'udde ringannu uahahati i tou sinumandaga wuṛṛu napa'ellegu watanganne su awada'alla. I ya'u maddantinna su saruannu iaangnge.

2 SAMUEL 13:15

Arawe wua'udde i Amnon maddantinten Tamar wuṛṛu ararantinne udde maggewal᷊anna wuassu apulun naungnge paarorone. Ana see i tou nabbisara tuarine udde, “Sabbangnga!”

YEREMIA 13:26

I Ya'u sassane sarun manggesa'a laubba wuassu waddangngu tadea'u i yamiu matantol᷊e wuṛṛu masili.

YEHEZKIEL 22:9

Suwallattu tumanangngu pia manga taumata taṛṛa sondo apan apulune mallobbossa taumata waine tadea'u iṛṛuumanna pateanna. Piaddu lai apulune u'inassa ṛemessa apan buatte nionggolla su manga monganna. Piaddu lai apulune ma'ola'a pasasandaga.

MIKHA 1:11

I yamiu tumana'u Safir, roote watukku pamamuanganna ringannu tawe laubba wuṛṛu ringannu apendamma massili! Manga taumatan Zaanan tawe waṛṛini sumabbangnga wuassu soan mangitou. Aintul᷊in tumana'u Bet-Haezel mapal᷊iatta'a si'o manungku poiaroddi taweddu pattallindumanna lai.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.