YEHEZKIEL 22:21 - WUKE SUSI WATTI'U AL᷊AL᷊USASSA

²¹ Ore, i Ya'u sarun mangammulli mangitou su Yerusalem, makkunuttu putungngu asasa'u-U su alungngi mangitou, na'oman sara i mangitou mangke umonossa.

YEHEZKIEL 22:21 Referans Kwoze

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

YEREMIA 9:7

Ana waugu udde Mawu Apan Lembontaṛṛino nabbisara, “Ere logamma, uma-U sarun Ta'u sal᷊u'atanna tadea'u i mangitou maola'a tutune. Apa apan wotongnge Ta'u olaanna su saruannu uma-U apan buatte na'ola'a al᷊al᷊eo?

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YESAYA 64:2

naal᷊ihidda putungnga mappaṛṛenggamu alu wuṛṛu napahoggokku ua'e. Papal᷊iattaa'e taṛṛino-Nu su manga seen-Nu, na'oman sara manga walahanna mangngiladda su saruan-Nu.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

DARALO 112:10

Taumata lal᷊eo maasilo si tou wuṛṛu nabbal᷊i massa'u; i mangitou mangngasan isi ana waugu maddantinna. Ana see i mangitou nate; antimmi mangitou nawul᷊i saran mal᷊annu-l᷊annu.

DARALO 68:2

Ruata nabbuatta nanal᷊iawukku seen-Ne, taumata apan maddantinni Tou tinumal᷊anga wuassu saruan-Ne.

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

DARALO 21:9

I Tou sarun manametta anambon seenne, wuṛṛu manametta anambon taumata apan maddantinni Tou.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

YEREMIA 8:13

Mappulu atonna i Ya'u mangammullu uma-U ere taumata mangammullu hessin letangnge. Arawe, uma-U ere punnu anggore wuṛṛu punnu alu ara apan tawe mabbua, ewe'e lai manga rongngane tinumolangke. Ana waugu udde i Ya'u buatte namalan taumata raho rumanta wuṛṛu mangagassa wanuan mangitou. I Ya'u, Mawu, buatte nabbisara.”

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.