YEHEZKIEL 20:7 - WUKE SUSI WATTI'U AL᷊AL᷊USASSA

⁷ Ta'u nirolokka i mangitou nandamme manga paal᷊uanna apan ma'arantinna apan ipaapulu mangitou udde, wuṛṛu Ta'u nisingadda i mangitou malluhuda watanganne ringannu massubba manga paal᷊uanna wuassu Mesir, ana waugu ete i Ya'u Mawu Ruata mangitou.

YEHEZKIEL 20:7 Referans Kwoze

IMAMATTA 18:3

Imbaṛṛangnga mattanno inolaannu taumatan Mesir, su tampa i yamiu buatte natana'a, ara'e taumatan Kanaan, watukku apa orassa indi Ya'u mangapiddi yamiu.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

YEHEZKIEL 23:8

I tou uatatana'a sussandaga ere dorone a'olaanne su Mesir, isudde i tou niawul᷊iannu perawanne. Ro'en ta'e addio'a, i tou buatte niatiilanna ere sangkatou masandaga.

YEHEZKIEL 23:3

Sutempo saṛṛen tumuwo, itarua uatana'a su Mesir. Poiaroddi itarua niawul᷊iannu perawanne, see itarua nabbal᷊i masandaga.

YEHEZKIEL 20:19

Ete i Ya'u Mawu Ruatanu. Paatuṛṛutte manga tita wuṛṛu manga parenta-U.

YEHEZKIEL 18:15

Ana'a udde maddiri massubba paal᷊uannu taumatan Israel, ara'e umanna sasamba apan nionggolla su manga tampa pasasubbanna manga monganna. I tou taambe namono'a awingngu taumata waine,

YEHEZKIEL 18:6

I tou sarun tawe massubba paal᷊uannu taumatan Israel ara'e umanna sasamba su manga tampa passubbanna manga monganna. I tou tawe saran paassa mamono'a awingngu taumata waine ara'e matiilla suadio'a ringannu wawine apan tantal᷊anna a'amatannu radda'u wawine.

YEHEZKIEL 14:6

Pasingkata'a lai su taumatan Israel manungku i Ya'u, Mawu Apan Atanggaṛṛanne nabbisara si mangitou, ‘Awal᷊ute wuassu manga rosanu, wuṛṛu tantanga'e manga paal᷊uannu apan ma'amuta udde.’

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

YESAYA 31:7

Sarun a'omanna tempone i yamiu sarangkanambone sarun mandamme manga paal᷊uannu monganna wuassu sal᷊a'a wuṛṛu wul᷊awanna apan nilanginni yamiu sassane ringannu napenen dosa.

2 TAWARIKH 15:8

Napawe i Asa naaringikka wisaran Azarya ana'i Oded udde, naungnge natohasse apia. I tou nangingkattu anambon paal᷊uanna su wanuan Yehuda wuṛṛu Benyamin, wuṛṛu manga soa apan buatte niwaddone su panenteannu Efraim, ana see i tou nangapia mezbah Mawu apan uaraddo su rallakku Wal᷊en Mawu.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

IMAMATTA 17:7

Walahannu Israel ṛinone sidutu matuṛṛutta su Mawu wuṛṛu mangke imbaṛṛangnga mamototta winatangnga su manga wailla olaanna sasamba su manga ringnga lal᷊eo. Atoranna udde sidutu tattuṛṛutanna saran mal᷊annu-l᷊annu.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

IMAMATTA 20:7

Paatehamma tadea'u i yamiu sidutu susi, ana waugu i Ya'u Ruatanu.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

YEHEZKIEL 23:7

Ringannu manga tembonanne udde i Ohola sussandaga. Aroddi lai ana waugu tumaniten bahewalla apulune, i tou nandal᷊eo watanganne ringannu massubba manga monganni mangitou.

IMAMATTA 18:2

niapapasingkatta su walahannu Israel parenta indi, “Ete i Ya'u Ruatanu.

YEHEZKIEL 34:24

I Ya'u, Mawu, sarun maola'a Ruatan mangitou, wuṛṛu ratu apan ere allang-Ku Daud sarun maola'a tembonanni mangitou. I Ya'u Mawu buatte nabbisara.