YEHEZKIEL 20:6 - WUKE SUSI WATTI'U AL᷊AL᷊USASSA

⁶ Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

YEHEZKIEL 20:6 Referans Kwoze

YEHEZKIEL 20:15

Su wadda'u anne udde lai i Ya'u namansagu walahannu Israel tawe Ta'u iapidda sumutta su leta'a apan ala wuṛṛu apianne su ahewallu runia.

YEREMIA 32:22

Wanua apan mapia wuṛṛu masuwukka indi Ta'u ionggolla si yamiu ere buatte pina'ire-Ku su al᷊amona mangitou.

DARALO 48:2

Mangke mawantuge Mawu wuṛṛu lembon raddaloanna su soan Duatan kite, su wuidda apan susi.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

ZAKARIA 7:14

Naal᷊ihidda tandi'a, i Ya'u nanahangginna si mangitou na'oman sara i mangitou niwata'a mamanua su manga wanua waine. Leta'a apan masuwukka indi nabbal᷊ite mal᷊annabba tawe tumatanangnge wuṛṛu lol᷊okka.”

DANIEL 8:9

Wuassu wallattu sambau tandu'a udde tinuwuwote tandu'a addio'a apan nabbal᷊i lembon masallakka wuṛṛu taṛṛinone naddatingngu timukka, watukku ra'i wuṛṛu watukku leta'a apan maṛṛansangnga.

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

DANIEL 11:41

Ewe'e lai leta'a apan maṛṛansangnga sarun pangaloanne lai, wuṛṛu pul᷊one su ṛiwune taumata sarun pateanne. Arawe manga araratuannu Edom, Moab wuṛṛu wageangnge apan ahunanne wuassu araratuannu Amon sarun masal᷊amatta.

DANIEL 11:16

Ratun banua sawannakka udde sarun ma'ola'a walate apulun naungnge ringannu tawe naasomba tatompolla sarang kaddio'a. I tou lai sarun matana'a su leta'a apan maṛṛansangnga wuṛṛu anuanna abbi.

YEHEZKIEL 20:42

Sutempo i yamiu Ta'u iapidda mabbelengnga su leta'u Israel, leta'a apan Ta'u pina'ire su iupungngu al᷊amonanu ne i yamiu naasingkatte manungku ete i Ya'u Mawu.

YEHEZKIEL 20:23

Su wadda'u anne udde i Ya'u nassalu manungku i Ya'u sarun manal᷊iawukki mangitou su ahewallu runia,

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

YEREMIA 11:5

Amungkangngu i mangitou ma'ola'a sarangkanambone udde, i Ya'u sarun manipussa pa'aire-U su al᷊amona mangitou manungku wanua apan masuwukka wuṛṛu ala, apan orassa indi wawanuanni mangitou, sarun Ta'u ionggolla si mangitou.” I ya'u sinumimbakka, “Aroddite, Mawu.”

TAHIUL᷊E 32:8

Su tempo Apan Atanggaṛṛanne nattahia leta'a, suapan balahanna nitantunna wageangngu letangnge ringannu sambau Mawu maola'a matataṛṛinone.

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

TAHIUL᷊E 27:3

Woṛṛeta'a su manga watu udde suapan bisara wuassu manga tita indi. Napawe i yamiu nasuttate su wanua apan ala wuṛṛu masuwukka apan pina'iren Mawu, Mawu Ruatan iupungngu al᷊amonanu si yamiu,

TAHIUL᷊E 26:15

Wuassu tampa-Nu apan na'ukkassa su surga sal᷊andeanna I'o mangintanno mata-Nu wuṛṛu mangal᷊amatta Israel; al᷊amate lai wanua apan ala wuṛṛu masuwukka apan buatte nionggolu Mawu si yami ere lai su paaire-Nu su iupungngu al᷊amonan kami.’ ”

TAHIUL᷊E 26:9

Wua'udde I'o nangapiddi yami isindi wuṛṛu nangonggolu leta'a apan ala wuṛṛu masuwukka indi si yami.

TAHIUL᷊E 11:9

Wuṛṛu i yamiu sarun mabbiakka mal᷊annu su wanua apan ala wuṛṛu masuwukka, apan pina'iren Mawu su iupungngu al᷊amonanu wuṛṛu su papapulunni mangitou.

TAHIUL᷊E 6:3

Ana waugu udde paddaringikka manga tuṛṛangnga, ola'e udde ringannu matuṛṛutta, tadea'u i yamiu su lal᷊umanna'a wuṛṛu mabbal᷊i walahanna apan bahewalla su wanua apan ala wuṛṛu masuwukka, ere buatte pina'ire Mawu Ruatanu su al᷊amonang kite.

REENGANNA 14:8

Amungkangngu Mawu mamalan kite, i Tou sarun mangapiddi ite poiaroddi wuṛṛu mangonggolu leta'a apan ala wuṛṛu masuwukka udde si ite.

REENGANNA 13:27

Unni mangitou si Musa, “Yami buatte namarikissa wanua udde wuṛṛu naasilo manungku letangnge ala wuṛṛu masuwukka, wuṛṛu indi addio'a manga wua poiaroddi.

IMAMATTA 20:24

Leta'a apan ala wuṛṛu masuwukka udde buatte Ta'u pina'ire si yamiu, nariaddi Ta'u ionggola maola'a pussaanu. Ete i Ya'u Ruatanu apan naṛṛae kamiu wuassu manga walahanna waine.

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 6:8

Anambon tanata Mawu indi nipasingkatti Musa su walahannu Israel, arawe i mangitou maddiri maddaringikka si Musa, ana waugu pattaṛṛuallanganna apan maṛṛagissa udde naaola'a si mangitou niawul᷊iaten antimma.

TAHIUL᷊E 32:40

Ringannu arang-Ku sassane, Ruata apan biakka, Iwatte lima-U wuṛṛu massalu:

DARALO 106:24

Wua'udde i mangitou nanol᷊a'u wanua apan maṛṛamaga udde ana waugu tawe mangimanna pairen Duata.

YEHEZKIEL 47:14

I Ya'u buatte nassalu manungku leta'a udde sarun Ta'u ionggolla su iupungngu al᷊amonanu. Ana waugu udde, anute leta'a udde wuṛṛu tahiate ringannu matul᷊idda suwallatti yamiu.

TAHIUL᷊E 3:25

Wala'awe i ya'u inai malliu Sal᷊ukku Yordan, oh Mawu, inai ma'ellega wanua apan masuwukka su samba'ane, leta'u panenteanna apan maṛṛamaga wuṛṛu Panenteannu Libanon.

NEHEMIA 9:9

I'o na'ellega asasusa al᷊amonan kami sutempo nanangkal᷊iu; I'o naddaringikka lal᷊uaine su Mesir wuṛṛu su Tahal᷊oangngu Teberau.

NEHEMIA 9:12

Ringannu sambau winabbawa I'o nangehetta si mangitou sutempo allo. Wuṛṛu sutempo ṛabbi I'o nanemakka lal᷊anne ringannu pal᷊iaṛṛannu putungnga.

DARALO 47:5

I Tou namile leta'a ionggola maola'a pussa'an kite, ilalluassu walahanna apan arangnguan-Ne.

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.