YEHEZKIEL 20:28 - WUKE SUSI WATTI'U AL᷊AL᷊USASSA

²⁸ I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEHEZKIEL 20:28 Referans Kwoze

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YOSUA 23:14

Orassa indi nia'omante tempone i ya'u sarun mate. I yamiu sarangkanambone, sangkatou-sangkatou masingkatta atonna manungku Mawu Ruatanu sueten ngonggolu al᷊awo'u apapia apan buatte nipa'ire-Ne. Al᷊awo'u pa'aire-Ne buatte nitipussa, tawe saran sambau apan tawe niatipussa.

YEHEZKIEL 20:15

Su wadda'u anne udde lai i Ya'u namansagu walahannu Israel tawe Ta'u iapidda sumutta su leta'a apan ala wuṛṛu apianne su ahewallu runia.

YEHEZKIEL 20:6

Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

YEHEZKIEL 16:19

Ta'u nionggolla si'o anna wuassu taponna apan apianne, pul᷊a wuṛṛu lanan zaitun apan tutune. Arawe sarangkanambone udde niolangngu sasamba su manga paal᷊uanna udde ipalluassa naungngi mangitou. I Ya'u Mawu Apan Atanggaṛṛanne buatte nabbisara.

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

YESAYA 65:7

ana waugu rosa mangitou wuṛṛu rosa al᷊amona mangitou. I mangitou mallobbossa si Ya'u ringannu mannambunnu amania huna manga monganna su tampa pasasubbanna su wuidda. I Ya'u buatte nabbal᷊issa si mangitou uasul᷊ungngu inolaanni mangitou su allo nanangkal᷊iu.”

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEHEZKIEL 16:24

See lai, su leta'u mal᷊alangngu soa wuṛṛu su winggi manga lal᷊anna i'o mappararisikku manga tampa pasasubbanna paal᷊uanna wuṛṛu sumasandaga.

YEHEZKIEL 20:29

I Ya'u naiwal᷊o si mangitou, ‘Manga tampa apan matanggakka ereapa apan tattemboanni yamiu udde?’ Ne nanattakka orassa udde manga tampa udde nisaggo ‘Manga tampa matanggakka’.

IMAMATTA 17:5

Parenta udde pandumanne tadea'u walahannu Israel mangapidda watukku Rasanna Mawu anambon binatangnga sasamba apan inanaramanne pappototanni mangitou su wailla. I mangitou ṛinone mangapiddu aonggola udde su imam su saruannu ngaran Dasannu Mawu wuṛṛu pototanna isudde maola'a sasamban paddarame.

2 MARARATU 17:9

wuṛṛu ma'ola'a inolaanna apan isassingaddu Mawu, Ruatan mangitou. I mangitou napararisikku manga tampa pasasubbanna monganna su anambon soan mangitou, mawae su soa maradio'a aroddi lai su soa wahahewalla.

2 MARARATU 17:10

Su wowon al᷊awo'u wuidda, wuṛṛu su al᷊ungngu aaluanna, i mangitou napararisikku manga pale wuṛṛu paal᷊uannu monganni Asyera.

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.