YEHEZKIEL 19:14 - WUKE SUSI WATTI'U AL᷊AL᷊USASSA

¹⁴ Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

YEHEZKIEL 19:14 Referans Kwoze

YEHEZKIEL 19:11

Pengane matohassa, tawe hampa paddianna ṛinone olaanna ta'innu araratuanna. Puidde matanggakka uatantingnga mangamete manga winabbawa. I tou iaatiangngan awadaalla ana waugu i tou matanggakka wuṛṛu rongngane maappala.

YEHEZKIEL 19:1

Ruata nandolo'u niapaantarin sasangitta indi hunan duang katou parinsin Israel:

2 MARARATU 24:20

Mawu mangke nasa'u atonna su tumana'u Yerusalem wuṛṛu su manga taumatan Yehuda na'oman sara i Tou tate lai mannaunga si mangitou.

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

LUKAS 19:41

Su tempo Mawu Yesus maraniten Yerusalem, wuṛṛu naasilote soa udde, i Tou nilumuain Yerusalem.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

HOSEA 10:3

Tate mal᷊annu lai i mangitou sarun mabbisara, “I ite tawe datu ana waugu i ite tawe mata'uttu Mawu. Apa hunane sangkatou ratu si ite?”

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

YEHEZKIEL 20:47

Doloṛṛa'e mahurangnge udde maddaringikka si Ya'u Mawu Apan Atanggaṛṛanne mabbisara si tou, ‘Paddaringikka! I Ya'u sarun mapaṛṛenggammu putungnga apan manoṛṛobba sara masue suapan aal᷊uanna tatahuanannu, mawae ete naṛṛangute aroddi lai apan tuttuwo apia. Putungnga apan lukkenggamma udde tawe iapadumma. I tou sarun lumewa wuassu timukka maddatingngu sawannakka, wuṛṛu anambon taumata sarun maapendamma sal᷊ihangne.

YEHEZKIEL 15:4

Tawe gunane ewe'e tumba'u olaanna alu papputunganna, wuṛṛu amungkangngu ruan poto natutungke, ne tangngane maola'e munsingnga, apa ta'e pia gunane?

LAL᷊ALLU 4:20

I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.

YEREMIA 52:3

Mawu mangke nasa'u su tumana'u Yerusalem wuṛṛu taumatan Yehuda na'oman sara i Tou nallimbuakka si mangitou wuṛṛu tate mandiaga si mangitou lai. I Zedekia nilumawangnga si Nebukadnezar ratun Babel,

YEREMIA 38:23

I ya'u nabbisara apia, “Anambon ana'a, awingngi Tuangnga sarun iapidda ringannu taumatan Babel. I Tuangnga sassane lai tawe maatal᷊angnga si mangitou. Tuangnga sarun sametannu ratun Babel, wuṛṛu soa indi soṛṛowanna sara masue.”

DARALO 79:7

Ana waugu i mangitou buatte namate al᷊aṛṛanang-Ngu, wuṛṛu nanggohakku tampa atatanaanni mangitou.

NEHEMIA 9:37

Al᷊awo'u hessin leta'a indi ṛinone itantilla su manga ratun banua. Manga tembonanne udde nipile-Nu wuassu uman-Nu maola'a ṛuumannu rosan kami su saruan-Nu. I mangitou mammrenta walate apulun naungnge su watanganni yami wuṛṛu winatangnga apan tatahuananni yami. Ana waugu udde orassa indi i yami uatataṛṛangnga, napenen sasassilla wuṛṛu asasusa!”

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

MAL᷊AṚṚUUNGNGA 9:15

Aputta ṛoaanna udde sinumimbakka, ‘Amungkangu i yamiu atonna-tonna maapulu i ya'u maola'a ratunu, wette passirungke su al᷊ungku. Amungkangngu i yamiu maddiri, ne wuassu manga ranna'u apan pia ṛoangnge indi sarun sumabbanga putungnga apan mangepoddu manga aaluanna aras su Libanon, ma'oman sara masue.’ ”

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

DARALO 110:2

Wuassu Sion Mawu sarun manggewalla araratuannu; pamarentate manga seennu!

YEHEZKIEL 17:10

Atonna i tou i tou nasuante matohassa, arawe wotongnge i tou tumuwo sarangkal᷊o'enge see aatambanna? Wal᷊inewe i tou sarun tumolangnga napawe tiupannu anginna Ra'i? Wal᷊inewe i tou sarun maṛṛangu su tampa i tou nisuanna?”

YEHEZKIEL 20:48

I mangitou sarun maatutukka manungku i Ya'u, Mawu buatte nakkenggamma putungnga udde, wuṛṛu tawe saran sangkatou apan botongne maapadumma putungnga udde.’ ”

YEHEZKIEL 26:17

Wua'udde i mangitou mangantarin aantari pallal᷊abinga indi si'o: Naṛṛimunsa'e soa apan raddal᷊oanna! Al᷊awo'u apalla nisahangginna wuassu laudda. Tumanangnge dorone uataṛṛino su tahal᷊oangnga na'oman sara taumatan sahatta matta'utta.