YEHEZKIEL 18:20 - WUKE SUSI WATTI'U AL᷊AL᷊USASSA

²⁰ Taumata apan ma'ola'a rosa, ete i tou apan sarun mate. Ana'a sarun tawe mamasanna pangillul᷊eannu pasasal᷊an iamange; ewe'e, iamange lai sarun tawe mamasanna pangillul᷊eannu manga rosan anange. Taumata apan mapia sarun maasomba bawal᷊inne apan mapia ana waugu inolaanne apan mapia. Wuṛṛu taumata apan dal᷊eo sarun matataṛṛanga ana waugu pangillul᷊eannu al᷊al᷊eone.

YEHEZKIEL 18:20 Referans Kwoze

2 MARARATU 14:6

Arawe al᷊aṛṛana'u manga mammamanaran araratuanne udde tawe nipate, ana waugu i tou uaringikka parentan Mawu sulal᷊ummu Wuke Musa tingikke arendi, “Imbaṛṛangnga mamate hagurange ana waugu al᷊al᷊eo apan niola'u anangnge, wuṛṛu imbaṛṛangnga mamate al᷊aṛṛana'a ana waugu al᷊al᷊eo apan niola'u hagurangngi mangitou. Suapan taumata tumba'u wotonge pateanna ana waugu al᷊al᷊eo apan niolange sassane.”

TAHIUL᷊E 24:16

Imbaṛṛangnga taumata timmadete iṛṛuumanna pateanna, ana waugu al᷊al᷊eo apan niola'u anangnge, wuṛṛu imbaṛṛangnga ana'a iṛṛuumanna ana waugu al᷊al᷊eon hagurangnge. Suapan taumata wotongnge iṛṛuumanna pateanna ana waugu al᷊al᷊eo apan niolangnge sassane.

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

2 TAWARIKH 25:4

Arawe al᷊aṛṛana'u manga mamanaran araratuanna udde tawe nipatene, ana waugu i tou naddaringikka parentan Mawu sulal᷊ummu Wuken Musa apan tingikke arendi, “Imbaṛṛangnga mamate timmadde ana waugu pasasal᷊a apan niola'u al᷊aṛṛanangnge, wuṛṛu imbaṛṛangnga mamate al᷊aṛṛana'a ana waugu pasasal᷊a apan niola'u hagurangngi mangitou suapan taumata tumba'u wotongnge pateanna ana waugu pasasal᷊a apan niolangnge sassane.”

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

1 MARARATU 8:32

oh Mawu, antimanna I'o maddaringikka wuassu surga wuṛṛu mamutussa hatto manga allang-Ngu indi. Ṛuumana'e iapa nassal᷊a uasul᷊ungngu inolaanne wuṛṛu pallosa'e iapa tawe sal᷊ane.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

2 TAWARIKH 6:23

oh Mawu, ṛinonewe I'o maddaringikka wuassu surga wuṛṛu makkawessu hatton manga allang-Ngu indi. Ṛuumana'e iapa nassal᷊a wuṛṛu pallosa'e iapa tawe sal᷊ane.

REENGANNA 18:1

Mawu nabbisara si Harun, “I'o, manga anangngu wuṛṛu taumatan Lewi ṛinone mamasanna pangillul᷊eannu manga pasasal᷊a apan nariaddi su Rasang-Ku, arawe tumba'u i'o manga anangngu apan ṛinone mamasanna pangillul᷊eannu pasasal᷊a sulal᷊ummu manara manga imam.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

IMAMATTA 5:17

Amungkangngu sangkatou ringannu tawe nipattatudda na'ola'a rosa ana waugu nilumawangnga sambau su wallatu parentan Mawu, taumata udde nassal᷊a wuṛṛu ṛinone mamasanna pasasal᷊ane.

YEHEZKIEL 33:10

Mawu nabbisara si ya'u, “Ei taumata apan mattate, sul᷊ea'a su taumatan Israel wisaram mangitou indi, ‘I yami maṛṛasa ana waugu uapasanna rosa wuṛṛu al᷊al᷊eong kami. Ereapa i yami wotongne mabbiakka?’

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

IMAMATTA 5:1

Sasamba ipangampungnga rosa ṛinone ionggola; Amungkangngu pia sangkatou taumata ringannu atonna niroronganna massakassi su mallaṛṛuungnga, arawe tawe nanal᷊a'an sarangkanambone apan buatte niasiloanna ara'e niaringiṛṛanne, na'oman sara i tou sarun mamasanna passasala udde.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

IMAMATTA 19:8

Isai-sai uminassa ṛemessa udde nassal᷊a ana waugu tawe mangaregan saranapa apan niṛṛae si Ya'u. Taumata udde tate mareengnga al᷊aṛṛana'-U.

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.

2 TAWARIKH 6:30

antimanna I'o sulal᷊ummu atatanaan-Nu su surga maddaringikka lapiddu mangampungnga si mangitou. Tumba'u I'o masingkattu lal᷊ummu naungngu taumata. Ana waugu udde ṛuumana'e suapan taumata tumuṛṛuttu manga inolaanne,

1 MARARATU 14:13

Anambon tumana'u Israel sarun lunal᷊o wuṛṛu mallabbingi tou. Ete i tou suwallattu sangkatou wuassi amonanni Yerobeam apan nilabbinga ringannu mapia, ana waugu tumba'u i tou apan naṛṛino su naungngu Mawu, Ruatan Israel.

IMAMATTA 16:22

Ambinga udde uaapiddu anambon dosan balahannu Israel su wageangngu leta'a mamara apan tawe atanaanna wuṛṛu i tou ṛinone ipallossa su wadda'a.

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

YEHEZKIEL 4:4

Ana see lallowangke ual᷊engge watukku aiṛṛi, wuṛṛu i Ya'u sarun mangandangu pasasal᷊an balahannu Israel si'o. Al᷊annune 390 su allone i'o sarun lumallowangnga aroddi wuṛṛu uatataṛṛangngu asasusa ana waugu pasasal᷊an mangitou. Massalo i'o ual᷊allowangnga aroddi maola'a lambanga santonna ṛuumanna su Israel.

REENGANNA 15:31

ana waugu i tou nilumawangnga Mawu wuṛṛu ringannu nipattatudda nilumawangnga parentan Mawu. Taumata udde mate ana waugu sal᷊ane sassane.

YEHEZKIEL 14:14

Salaiwe i Nuh, i Danel wuṛṛu i Ayub uatana'a su tampa udde, ne apapia mangitou tallu tumba'u wotongnge mapanal᷊amatta niawa mangitou sassane. I Ya'u, Mawu Apan Atanggaṛṛanne buatte nabbisara.

YEHEZKIEL 14:16

Salaiwe i Nuh, i Danel wuṛṛu i Ayub uatana'a isudde, ana waugu i Ya'u, Ruata apan biakka, Mawu Apan Atanggaṛṛanne, i mangitou tawe maapanal᷊amatta sisai-sai, ewe'e lai ana'i mangitou sassane tawe. Tumba'u i mangitou sassane apan masal᷊amatta, ewe'e wanua udde sarun maola'a wadda'u anne.

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.

SASABANGNGA 32:33

Mawu sinumimbakka, “Tumba'u manga taumata apan buatte na'ola'a rosa su saruang-Ku sarun pappasanna aranne wuassu wuke udde.