YEHEZKIEL 17:23 - WUKE SUSI WATTI'U AL᷊AL᷊USASSA

²³ Su wowone apan atanggaṛṛanne su Israel, i tou Ta'u ipasi'a. Poiaroddi i tou sarun mallal᷊uwo, wuṛṛu mangonggollu wuane, see maola'a alun cemara apan mawantuga. Al᷊awo'u hati manu'u winalanganna sarun massal᷊akka sulal᷊umme wuṛṛu massirungnga su al᷊ungne.

YEHEZKIEL 17:23 Referans Kwoze

MATIUS 13:32

Watun sawi eteudde wualanna apan addio'anne. Arawe amungkangngu tinumuwote, i tou maola'a ahewal᷊anne su wallattu al᷊awo'u sinuananna. I tou maola'a alu, ma'oman sara manga manu'u winalanganna massal᷊akka su manga rannane.”

YEHEZKIEL 31:6

Al᷊awo'u manu'u winalanganna massal᷊akka su angkanaene. Winatangnga matengnga naṛṛana'a su al᷊ungne. Anambon balahanna wahewa su ahewallu runia inuma'ianna su al᷊unge.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

HOSEA 14:7

I mangitou sarun mabbiakka wuṛṛu aatambanna naal᷊ihidda sasuanna apan maddanna su al᷊awo'u rannane, naal᷊ihidda punnu alu zaitun aṛṛamage hal᷊urune mawangngi ere punnu alu cemara!

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

YOHANES 12:24

Mangke atonna wisara-U indi: Amungkangngu gandumma sambatu tawe iasi'a su leta'a wuṛṛu mate, i tou ta'e matatana'a sambatu. Arawe amungkangngu watun gandumma udde mate, wakkute udde i tou mabua manambo.

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

MARKUS 4:32

Arawe amungkangngu tinumuwote, i tou maola'a ahewal᷊anne su wallattu manga sinuananna. Manga rannane manambona'oman sara manga manu'a rudanta, wuṛṛu ma'ola'a sal᷊akka su al᷊ungnge.”

LUKAS 13:19

Olangnge ere sasumandingnga indi. Sambau watun sawi niapiddu sangkatou taumata nisuanne su waille. Watune udde tinumuwo see naola'a alu, wuṛṛu manga manu'a na'ola'a sal᷊akke su manga rannang kalu udde.”

DARALO 80:8

Oh Ruata Apan Lembontaṛṛino, uwusewe i yami; ellehe i yami ringannu naungnga mal᷊uassa, tadea'u i yami masal᷊amatta.

ANTARI MAWANTUGA 5:15

Leddane naal᷊ihidda manga diṛṛi wuassu marmar mawira, ringannu apampakke wul᷊awanna tutune. Saṛṛen baddangnge ere aṛṛansangu manga wowone su Libanon, wuṛṛu aṛṛamage naal᷊ihidda alu aras.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEHEZKIEL 36:8

Arawe si yamiu Ta'u iwal᷊o ei manga wowon Israel, manga aaluannu sarun massolla wuṛṛu mabbua apia hunan uma-U Israel apan mal᷊ihakke mapul᷊e.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

DANIEL 4:8

Panginsueanne nirumantate i Daniel apan isassaggo lai Beltsazar ere lai arannu mongangku. Daniel niintaṛṛoannu ghaṛṛahon manga mongangku apan susi. Ta'u niwatti'a wal᷊iawa'u lai si tou, wisara'u,

DANIEL 4:9

“Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.