YEHEZKIEL 17:19 - WUKE SUSI WATTI'U AL᷊AL᷊USASSA

¹⁹ Sulal᷊ummu arang-Ku, Ruata apan biakka, Mawu Apan Atanggaṛṛanne, ratun Yehuda sarun Ta'u iṛṛuumanna ana waugu buatte nilumawangnga pa'airene ringannu ratun Babel, sumbal᷊i i tou buatte nassalu sulal᷊ummu arang-Ku ipanipussa pa'airene udde.

YEHEZKIEL 17:19 Referans Kwoze

YEREMIA 5:9

Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

TAHIUL᷊E 5:11

Imbaṛṛangnga walate asaggonen arang-Ku, ana waugu i Ya'u, Mawu Ruatanu, makkuumannu taumata apan walate asagone arang-Ku.

YEREMIA 27:8

Walahanna wuṛṛu araratuanna apan tawe tumuṛṛutta si Nebukadnezar sarun Ta'u iṛṛuumanna ringannu pangalo, ṛutumma, wuṛṛu al᷊aṛṛusa'itta, ma'oman sara panginsueanne tumuṛṛutta si tou.

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.

YEHEZKIEL 17:18

Ana waugu i tou buatte nilumawangnga sasalu wuṛṛu paairene, i tou tawe maatal᷊angngu watanganne.

YEHEZKIEL 17:20

I Ya'u sarun mamataddu soma ipanametta si mangitou. I tou sarun Ta'u iapidda su Babel wuṛṛu Ta'u iṛṛuumanna poiaroddi, ana waugu i tou tawe satia si Ya'u.

1 MARARATU 2:32

Mawu sarun makkuumanni tou ana waugu pamamate apan buatte niolangnge ringannu awaganannu iamangku. I Abner tembonannu tantaran Israel, wuṛṛu i Amasa tembonannu tantaran Yehuda, itarua tawe sal᷊ane. Itarua mappianne wuassi Yoab sassane, arawe i tou namate sitarua.

1 MARARATU 2:33

Ṛuumanna ana waugu apapaten darua tembonannu tantara udde sarun pasannananni Yoab wuṛṛu papapulunne saran mal᷊annu-l᷊annu. Arawe anambon papapulunnu iamangku apan naola'a ratu, sidutu sarun aal᷊amatannu Mawu – i mangitou apan naauntungnga.”

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”