YEHEZKIEL 17:16 - WUKE SUSI WATTI'U AL᷊AL᷊USASSA

¹⁶ Ana waugu i Ya'u, Ruata apan biakka, Mawu Apan Atanggaṛṛanne, ratun Yehuda sarun mate su Babel, ana waugu i tou buatte nassinaaddu sasalune wuṛṛu nilumawangnga paairene ringannu ratun Babel apan buatte niapa'aianni tou su adderan araratuanna.

YEHEZKIEL 17:16 Referans Kwoze

YEHEZKIEL 12:13

Arawe i Ya'u sarun mantaingngu soma-U ipanametta si tou. See Ta'u iapidda i tou su soan Babel, wuṛṛu poiaroddi i tou sarun nate ringannu tawe maasilo soa udde.

YEREMIA 52:11

Wua'udde i Zedekia matane nilasso'a, ana see niṛṛapussa wuṛṛu niapidda watukku Babel. Poiaroddi i tou nitaṛṛo sulal᷊ummu tuttupanna, wuṛṛu tate naasabbangnga wua isudde na'oman sara i tou nate.

YEHEZKIEL 17:13

See i tou namile sangkatou wuassu amonannu ratun Yehuda udde, na'ola'a pa'aire ringanni tou, wuṛṛu i tou nirolokka massalu tadea'u sidutu satia si tou. Ratun Babel udde nanametta manga taumata wahahewalla,

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.

YEREMIA 39:7

Wua'udde i Zedekia nilasso'a matane, see niṛṛapussa wuṛṛu niapidda su Babel.

DARALO 15:4

apan mangngadio'a taumata apan nito'en Duata, arawe mangngadata taumata apan matta'uttu Ruata; apan mannipussa paaire, salaiwe i tou narugi

2 MARARATU 24:17

Wua'udde i Nebukadnezar, nanenegi Matanya, tuṛṛangu iamangi Yoyakhin, naola'a ratun Yehuda, wuṛṛu namal᷊u aranne nabbal᷊i i Zedekia.

2 SAMUEL 21:2

(Manga taumatan Gibeon wal᷊ine taumatan Israel; i mangitou nasutta ammul᷊anna addio'a wuassu taumatan Amon. Manga taumatan Israel buatte naddiandi sarun mallu'adda si mangitou, arawe i Saul buatte naddea'a namate si mangitou ana waugu i tou maṛṛingiddu hausannu taumatan Israel wuṛṛu Yehuda.) Ana see i Daud namaggo manga taumatan Gibeon udde,

YOSUA 9:20

I ite tawe wotonge mamate si mangitou ana waugu i ite buatte na'ire; wuṛṛu amungkangu i ite nabbasangkalu pa'aire udde Ruata sarun maṛṛuumanni ite.

REENGANNA 30:2

Amungkangngu sangkatou esakka maddiandi ara'e ma'ire ringannu riandi ringannu sasalu su Mawu, na'oman sara i tou uanaungnga watanganne aiitannu sambau riandi, i tou ṛinone ma'ola'a apa apan pina'irene udde, wuṛṛu tawe wotongnge mamahia.

SASABANGNGA 20:7

Imbaṛṛangnga managon arang-Ku walate asagone, ana waugu i Ya'u, Ruatanu, makkuumanni sai-sai apan walate assagoneng arang-Ku.

SASABANGNGA 8:2

Amungkangngu i'o manol᷊a'a, wanua indi sarun Ta'u peneannu aakka maola'a ṛuumanna.

2 TIMOTIUS 3:3

I mangitou maddiri mandangngu taumata sansul᷊unge, tawe mangonggolu ampunga, i mangitou apulune mandal᷊eo arannu taumata waine, taṛṛa wata'a, i mangitou maṛṛaggisa, wuṛṛu maddirin apapia.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

ROMA 1:31

i mangitou maddiri massunna taumata waine; i mangitou mal᷊awangnga wuṛṛu tawe apedamma mantul᷊ungngu taumata.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

HOSEA 10:4

I mangitou mattaṛṛupassi wuṛṛu makkiinnu paaire awusu see mangngaukku paaire apan tawe gunane. Tita niwal᷊elong na'oman sara wawahia tinumuwo ere sasuanna pia sukkanne su wawail᷊anna apan buatte nipasolla.

YEHEZKIEL 17:10

Atonna i tou i tou nasuante matohassa, arawe wotongnge i tou tumuwo sarangkal᷊o'enge see aatambanna? Wal᷊inewe i tou sarun tumolangnga napawe tiupannu anginna Ra'i? Wal᷊inewe i tou sarun maṛṛangu su tampa i tou nisuanna?”

2 MARARATU 24:20

Mawu mangke nasa'u atonna su tumana'u Yerusalem wuṛṛu su manga taumatan Yehuda na'oman sara i Tou tate lai mannaunga si mangitou.

YEREMIA 34:21

I Zedekia ratun Yehuda wuṛṛu manga tembonannu pamarentane sarun Ta'u itantilla su manga taumata apan mappulu mamate si mangitou. I Ya'u sarun manantilli mangitou su tantaran Babel, apan orassa indi nanantangken kamiu.

YEHEZKIEL 21:23

Tumana'u Yerusalem tawe mangimanna manungku i mangitou pappangaloanna, ana waugu i mangitou buatte na'ola'a paaire ringannu Babel. Arawe pani'atta indi sarun mapanaungngi mangitou manungku i mangitou sarun sametanna ana waugu manga rosa mangitou.