YEHEZKIEL 16:50 - WUKE SUSI WATTI'U AL᷊AL᷊USASSA

⁵⁰ I mangitou mawunga wuṛṛu tawe maddaringikka, see ma'ola'a pallal᷊agu apan Ta'u iaarantinna. Ana waugu udde i mangitou Ta'u ṛimunsaanna ere lai apan aellehannu.

YEHEZKIEL 16:50 Referans Kwoze

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

PANDARIADDI 19:5

I mangitou niumui si Lot, wuṛṛu naiwal᷊o, “Suapa manga taumata apan nanaṛṛabbi su wal᷊enu? Tantil᷊a'e itarua, tadea'u i yami wotongnge mailalo'a ringanni mangitou!”

PANDARIADDI 18:20

Wua'udde Mawu nabbisara si Abraham, “Pia aalae apan wahewalla su Sodom wuṛṛu Gomora, wuṛṛu atonna paddarosa mangitou tumaniten manambo.

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

SONDAPPA 18:9

Manga ratun runia apan suadio'a sulal᷊ummu inolaanne sussandaga wuṛṛu apulu naungngu wawine udde sarun lumuai wuṛṛu lumallun soa udde napawe i mangitou naasilo timbulla sussal᷊oi wuassu putungnga apan mannutungnga si tou.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

YEREMIA 50:40

Su ereapa i Ya'u nanggohakku Sodom wuṛṛu Gomora suadio'a ringannu ampungnga maranine, aroddi lai Ya'u sarun makkimunsa'a Babel. Tawe saran sangkatou apan matana'a lai poiaroddi. I Ya'u, Mawu, buatte nabbisara.

YEREMIA 49:18

Su ereapa Sodom wuṛṛu Gomora niṛṛimunsa'a suadio'a ringannu manga ampungnga maranine, aroddi lai Edom. Tawe saran sangkatou apan matana'a apia poiaroddi. I Ya'u, Mawu, buatte nabbisara.

YEREMIA 20:16

Wala'e i mangangapiddu watti'a udde ere manga soa apan niṛṛimunsa'u Mawu ringannu tawe aakkanna. Wala'e i tou maaringikka auaren atataddu'a su tempo marua'allo, wuṛṛu hahoressan pangalo su allattune.

YESAYA 13:19

Wuassu anambon araratuanna, ete Babel udde aṛṛansanganne wuṛṛu naola'a ilalluassu tumanangnge. Arawe i Ya'u, Mawu, sarun makkimunsa'a, ere buatte Ta'u niola'a su Sodom wuṛṛu Gomora.

AMSAL 18:12

Taumata mawunga sarun manawo, taumata masaṛṛionto'a sarun addatanna.

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

AYUB 18:15

Orassa indi walate isai matana'a sulal᷊ummu rasanne, wuṛṛu isudde nisal᷊iawukka belerangnga, ipamate raddangnge.

2 MARARATU 23:7

Manga wabbo'a sulal᷊ummu Wal᷊en Mawu apan ipappaatu manga sumasandaga su kuil, hunan pa'ola'anna sasandaga ere ipassubba monganna, niṛṛamunsa'a. (Su manga wabbo'a udde manga wawine mandadu'u mal᷊aṛenessa apan ipa'atta ipassubba Dewi Asyera.)

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

TAHIUL᷊E 23:17

Sangkatou taumatan Israel, mawae esaka ara'e wawine, tawe wotongnge maola'a masandaga su manga tampan pasasubbanna.

IMAMATTA 18:22

Imbaṛṛangnga esakka matatamba rundussa esakka; Ruata maddantinnu inolaanna udde.

PANDARIADDI 19:25

Soa darua udde nisoṛṛoba, see lai ahewallu wawal᷊anne wuṛṛu anambon manga sasuanna ana see anambon tumana'u soa isudde.