YEHEZKIEL 16:41 - WUKE SUSI WATTI'U AL᷊AL᷊USASSA

⁴¹ I mangitou saru manoṛṛobba manga wal᷊enu wuṛṛu mandolokku manga wawine mabbiala i'o iṛṛuumanna. Etearoddi Ta'u iapaaddo pasasandagu. I'o tate lai mattahia aonggolla su manga arangnguannu.

YEHEZKIEL 16:41 Referans Kwoze

YEHEZKIEL 23:48

Su ahewallu wanua sarun Ta'u insueanna al᷊al᷊eo ereudde. Inolaang-Ku udde sarun maola'a tataggu suapan bawine tadea'u tawe sumandaga ere dua taṛṛa tuari udde.

YEHEZKIEL 23:27

Etearoddi i Ya'u sarun mapataallu apulun baddangngu wuṛṛu al᷊awo'u pasasandaga apan niolangnge ro'en i'o ta'e su Mesir. I'o tate lai maapangantimma su mongannu ara'e manaungnga Mesir.”

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YEREMIA 39:8

Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

YEHEZKIEL 23:10

I tou nitatol᷊e mangitou ringannu tawe addanne, see nipaten hal᷊ele, wuṛṛu al᷊aṛṛanange niṛṛampassa. Suapan tampa nasimme udde naola'a ipagahatto manga wawine.

YEHEZKIEL 5:8

Ne i Ya'u, Mawu Apan Atanggaṛṛanne, mamasingkatta manungku i Ya'u uddewe seennu. I'o sarun Ta'u iṛṛuumanna su saruannu manga walahanna waine.

TAHIUL᷊E 13:16

Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

YEHEZKIEL 37:23

I mangitou tate mandal᷊eo watanganni mangitou ringannu ma'ola'a rosa wuṛṛu massubba manga paal᷊uanna apan maarantinna. I Ya'u sarun mamallossi mangitou wuassu al᷊awo'u tal᷊engko apan naaola'a si mangitou nangal᷊uandaga si Ya'u. I Ya'u sarun mapaasusi mangitou; i mangitou sarun maola'a uma-U, wuṛṛu i Ya'u Ruatan mangitou.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 2:18

Manga paal᷊uanna sarun mawul᷊i abbi-abbi.

AYUB 34:26

I mangitou nipero-Ne ana waugu rosan mangitou, su saruannu awadaalla i mangitou niṛṛuuman-Ne.

TAHIUL᷊E 22:24

Sulal᷊ummu hatto udde i mangitou ṛinone iapidda su liuddu soa wuṛṛu tuntungannu watu ma'oman sara mate. Maṛṛuala udde ṛinone pateanna ana waugu i tou tawe niumui maiontolla, ana waugu olangnge udde nariaddi sulal᷊ummu soa, suapan aintul᷊ine wotongnge iaringikka. Wuṛṛu esakka udde ṛinone pateanna ana waugu i tou natatamban maṛṛuala apan piate parene. Ringannu nakkuumanni tarua, i yamiu mangngisue al᷊al᷊eo udde.

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

TAHIUL᷊E 13:11

Ne anambon balahannu Israel sarun maaringikka ola'u pamamate udde wuṛṛu mabbal᷊i mata'utta, ma'oman sara tawe saran sangkatou lai apan baṛṛani ma'ola'a al᷊al᷊eo udde.

YEHEZKIEL 11:9

I yamiu sarun Ta'u iapidda sumabbangnga wuassu soa wuṛṛu Ta'u itantilla su taumata raho. I Ya'u buatte nangema'u ṛuumanna mate si yamiu.

YEHEZKIEL 16:33

Sangkatou sumasandaga sidutu maasomba wawaekke, arawe nawal᷊i'a ete i'o apan mangngonggollu aonggolla su manga arangnguannu, ewe'e lai nisal᷊ongngu i mangitou ringannu roitta tadea'u rumanta suapan tampa see matiilla suadio'a.

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.