YEHEZKIEL 16:38 - WUKE SUSI WATTI'U AL᷊AL᷊USASSA

³⁸ I'o sarun Ta'u iṛṛuumanna ana waugu pasasandaga wuṛṛu pamamate apan buatte niolangngu udde. Sulal᷊ummu naungdal᷊eo wuṛṛu asasa'u-U i'o sarun Ta'u iṛṛuumanna pateanna.

YEHEZKIEL 16:38 Referans Kwoze

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

PANDARIADDI 9:6

Taumata niola'a lihidde ere i Ya'u; ana waugu udde, isai-sai apan mamate taumata, i tou sassane sarun pateannu taumata lai.

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

YEHEZKIEL 23:25

Ana waugu i Ya'u nasa'u si'o, Ta'u niwala i mangitou ma'ola'a si'o ringannu maṛṛagissa. Ngirunna wuṛṛu tal᷊inganu sarun ponggo'anni mangitou wuṛṛu manga anangngu sarun anuanna wuṛṛu itambunna ta'e wiakka.

YEHEZKIEL 16:40

I mangitou sarun mandolokku awadaalla manuntungnga si'o ringannu watu, wuṛṛu manattadda waddangngu ringannu hal᷊ele.

REENGANNA 35:31

Sangkatou taṛṛa pate ṛinone iṛṛuumanna pateanna. I tou tawe wotongnge maawaekka ṛuumanna udde ringannu roitta.

SASABANGNGA 21:12

“Isai apan mamuulla taumata waine maddatingngu mate, ṛinone iṛṛuumanna pateanna.

PANDARIADDI 38:24

Iraṛṛangngo tallu wul᷊ana wua'udde i Yehuda naaringikka watti'a manungku i Tamar mananambone buatte nail᷊al᷊ihidda wawine masandaga wuṛṛu piate illoṛṛo. Ana see i Yehuda mamarenta, “Al᷊appe i tou wuṛṛu tambuna'e ma'oman sara mate!”

PANDARIADDI 38:11

Wua'udde i Yehuda nabbisarate si Tamar mananambone udde, “Pabbelengke su wal᷊en hagurangngu wuṛṛu atana'e isudde ere sangkatou inawal᷊uanna maddatingngu ana'u i Syela mahewalla.” I tou nabisara aroddi ana waugu matta'utta aṛṛengenne i Syela sarun pateannu Mawu lai, ere iaangnge ruan katou. Ne i Tamar napul᷊ete watukku wal᷊en hagurangnge.

YEHEZKIEL 23:24

I mangitou sarun mamangalo si'o wuassu sawannakka ringannu tantara apan bahewalla, ringannu manga keretan pangalo wuṛṛu manga kereta uaapiddu wal᷊unna. Ringannu lal᷊indumannu allungnga wuṛṛu manga araposa waja, i mangitou sarun mamangalo si'o. Sarun Ta'u iwala i mangitou makkuungngu tumuṛṛuttu manga tita mangitou sassane.

YEHEZKIEL 35:6

Ana waugu udde, waugu i Ya'u, Ruata apan biakka, Mawu Apan Atanggaṛṛanne, papate uddewe pal᷊addu pabbiaṛṛannu, wuṛṛu i yamiu tawe maal᷊assangnga wuassi tou. I yamiu nassal᷊ate ana waugu ma'ola'a pamamate, ne pamamate udde lai mangngenggenna si'o.

REENGANNA 35:16

Arawe amungkangngu sangkatou nappaattu ahidda atta'a ara'e watu ara'e alu ipamate taumata waine, taumata udde taṛṛa pate; i tou nassal᷊a wuṛṛu ṛinone iṛṛuumanna pateanna.

REENGANNA 35:21

ara'e nango'a taumata udde, ne taumata udde taṛṛa pate; i tou nassal᷊a wuṛṛu ṛinone iṛṛuumanna pateanna. Manga tuṛṛangnge marani wuassu taumata apan niapate udde wotongnge mapaamattu ṛuumannu pamamate udde. Amungkangngu i tou naasangkala taṛṛa pate udde, i tou wotongnge mamate taumata udde.

YEHEZKIEL 36:18

Ta'u niapasabbanga asasa'u-U si mangitou ana waugu i mangitou buatte na'ola'a manambo pamamate su leta'a udde wuṛṛu nandal᷊eo ringannu massubba manga paal᷊uanni mangitou.