YEHEZKIEL 16:32 - WUKE SUSI WATTI'U AL᷊AL᷊USASSA

³² I'o ere wawine apan mandal᷊eo awingu wuṛṛu na'apulun esakka waine.

YEHEZKIEL 16:32 Referans Kwoze

YEREMIA 2:28

Suapate manga warahalanu apan niola'i yamiu udde? Napawe pia asasusa, doloṛṛa'e i mangitou manal᷊amatta si yamiu, amungkangngu i mangitou wotongnge! Ei Yehuda, manga mongannu anambone ere manga soanu!

HOSEA 3:1

Mawu nabbisara si ya'u, “Roote apia wuṛṛu pandangngute sangkatou wawine apan apulune sussandaga. Pandangngute si tou ere lai i Ya'u mandangngu sangkatou Israel salaiwe i mangitou nanantang-Ku wuṛṛu massubba manga paaluanna waine see lai apulune mangonggollu kukisse kismis su monganna.”

HOSEA 2:2

Mawu nabbisara, “Ei manga ana-U, inangngu wal᷊ine awing-Ku, wuṛṛu i Ya'u wal᷊ine awingnge. Ana waugu udde, hattoa'e i tou tadea'u i tou tate ma'ionolaanna lal᷊eo wuṛṛu sumandaga apia.

YEHEZKIEL 23:45

Arawe manga taumata na'ukkassa sarun makkuungngu ruang katou taṛṛa tuari udde ana waugu sasandaga wuṛṛu pamamate, ana waugu atonna itarua nassal᷊a.”

YEHEZKIEL 23:37

Itarua buatte sinumandaga wuṛṛu namate; itarua buatte sinumandaga ringannu manga monganna wuṛṛu namate manga ana-U apan nisungkangngi tarua. Manga ana'a udde buatte nionggolli tarua su manga monganni mangitou.

YEREMIA 3:20

Arawe naal᷊ihidda inangngu ana'a apan tawe satia, i'o lai tawe satia si Ya'u. I Ya'u, Mawu, buatte nabbisara.”

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

YEHEZKIEL 16:31

Su leta'u mal᷊alangngu soa wuṛṛu suapan dal᷊anna i'o napararisikku manga tampa pasasubbanna paal᷊uanna wuṛṛu sassandahanna. Arawe i'o wal᷊ine ere sumasandaga waine apan mappandumma roitta.

YEHEZKIEL 16:33

Sangkatou sumasandaga sidutu maasomba wawaekke, arawe nawal᷊i'a ete i'o apan mangngonggollu aonggolla su manga arangnguannu, ewe'e lai nisal᷊ongngu i mangitou ringannu roitta tadea'u rumanta suapan tampa see matiilla suadio'a.

AMSAL 7:19

Awingku tawe baddi'a su wal᷊en, i tou tantal᷊anna su amatanna marau.