YEHEZKIEL 16:15 - WUKE SUSI WATTI'U AL᷊AL᷊USASSA

¹⁵ Arawe i'o nassal᷊a paattu araṛṛamagu see awawangngin arannu. I'o mattiilla ringannu suapan esakka apan sumabbi isudde.

YEHEZKIEL 16:15 Referans Kwoze

YEHEZKIEL 16:25

I'o nandal᷊eo araṛṛamagu. Waddangngu ia'imbenu su manga esakka apan sumabbi, wuṛṛu tawe illol᷊one i'o sussandaga.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YESAYA 57:8

I yamiu napararisikku manga paal᷊uannu apan masandaga su pua ngaran wal᷊en i yamiu. I Ya'u nitantangkeng kamiu. I yamiu nalluatta laubbu wuṛṛu nilumallowangke su antilla apan nilal᷊akku wawine apan nisewannu tadea'u matiilla suadio'a ringannu, see i yamiu nabbalate apulu naungngu.

YEHEZKIEL 23:3

Sutempo saṛṛen tumuwo, itarua uatana'a su Mesir. Poiaroddi itarua niawul᷊iannu perawanne, see itarua nabbal᷊i masandaga.

YEREMIA 7:4

Arie pangimanna su mamamahia apan mabbisara, ‘I ite mal᷊angnganna, ana waugu indi Wal᷊en Mawu. Atonna indi Wal᷊en Mawu!’

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

YEHEZKIEL 23:8

I tou uatatana'a sussandaga ere dorone a'olaanne su Mesir, isudde i tou niawul᷊iannu perawanne. Ro'en ta'e addio'a, i tou buatte niatiilanna ere sangkatou masandaga.

YESAYA 1:21

Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.

SONDAPPA 17:5

Su pakkane uawoṛṛetta sambau aranna apan ia'addappinga. Aranna udde eteudde, “Babel Apan Wahewalla, inangngu manga sumasandaga wuṛṛu taumata lal᷊eo su runia.”

MATIUS 3:9

Arie massunna manungku i yamiu mal᷊iu wuassu ṛuumanna ringannu mabbisara manungku i Abraham uddewe iupungngu al᷊amonang kamiu. Naunge, wuassu manga watu indi lai, Ruata wotongnge ma'ola'a papapulunni Abraham!

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

HOSEA 4:10

I yamiu sarun umanna wuassu manga sasamba apan nionggolla, arawe i yamiu sidutu mal᷊unussa. I yamiu sarun massubba manga mongannu asasuwukka, arawe tumanangnge mangke tawe aatambanna, ana waugu i yamiu buatte nanantang-Ku wuṛṛu massubate manga mawu waine.”

YEHEZKIEL 33:13

Wotongnge mariaddi i Ya'u buatte naddiandi sarun manal᷊amatta taumata mapia, arawe amungkangngu i tou mannattakke ma'ola'a rosa wuṛṛu uaantimma manungku i tou sarun masal᷊amatta ana waugu apapiane dorone udde, i tou nial᷊iwune. I Ya'u tate lai mannaungnga apapiane apan dorone niolangnge wuṛṛu i tou sarun mate ana waugu manga rosane.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.

DARALO 106:35

Ewe'e i mangitou nallal᷊o'a manga walahanna udde, wuṛṛu nattanno pallal᷊aghu manga taumata apan tawe maailal᷊a Ruata.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

2 MARARATU 17:7

Samaria narugi ana waugu taumatan Israel na'ola'a rosa su Mawu, Ruatan mangitou, apan buatte nanal᷊amatta si mangitou wuassu ratun Mesir, wuṛṛu nangapiddi mangitou sinumabbanga wuassu wanua udde. I mangitou massubba manga mawu waine

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

1 MARARATU 11:5

I Salomo massuba si Asytoret, mongannu walahannu Sidon, wuṛṛu lai si Molokh monganna apan ma'arantinna apan sassubannu walahannu Amon.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

MAL᷊AṚṚUUNGNGA 3:6

Walahannu Israel naawingken manga walahanna udde, wuṛṛu massubbate lai manga monganni mangitou.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

YEHEZKIEL 16:16

Sambageanganna wuassu laungngu nipa'annu ipallogakka tampa passubbanna paal᷊uannu. I'o nabbal᷊i masandaga wuṛṛu nangonggollu watangannu su anambon esakka.

HOSEA 4:18

Napawe niwu'anne ana waugu na'inumma anggore tumaniten manambo, i mangitou sussandaga ringannu maluassa. I mangitou mappianne lallobbosanna sul᷊ungnge aaddatanna.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!