YEHEZKIEL 14:13 - WUKE SUSI WATTI'U AL᷊AL᷊USASSA

¹³ amungkangngu sambau wanua pia dosane wuṛṛu tawe satia si Ya'u, i Ya'u sarun makkuumannu wanua udde. I Ya'u sarun makkimunsa'a wal᷊ingkakku pangadoannu anna, mandantan al᷊aṛṛutumma wuṛṛu mamate mawae taumata aroddi lai winatangnga.

YEHEZKIEL 14:13 Referans Kwoze

YEHEZKIEL 4:16

Wua'udde i Tou nabbisara apia, “Ei taumata apan mattate, i Ya'u sarun makkimunsa'a wal᷊ingkakku anna su Yerusalem. Ringannu sussinggawanga wuṛṛu ruddoro manga taumata sarun manumba'u anna apan aannananni mangitou wuṛṛu ua'e apan a'inumanni mangitou.

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

YEHEZKIEL 15:8

I mangitou tawe satia si Ya'u, ana waugu udde, leta'a udde sarun Ta'u olaanna wadda'a. I Ya'u Mawu Apan Atanggaṛṛanne buatte nabbisara.”

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 14:19

Wotongnge mariaddi i Ya'u mandantan ṛiwutta su wanua udde, wuṛṛu Ta'u iapasabbangnga asasa'u-U su saruanne ma'oman sara mawae taumata aroddi lai winatangnga sarun mate.

YEHEZKIEL 14:17

Wotongnge mariaddi i Ya'u mandantan pangalo su wanua udde, wuṛṛu i Ya'u mangirimmu manga ahidda lutangnga apan apianne ipamate mawae taumata aroddi lai winatangnga.

YEHEZKIEL 5:16

I Ya'u sarun makkimunsa'a wal᷊ingkakku annu wuṛṛu mamalan tumanangngu amal᷊unusanna. I mangitou sarun mamendamma aroddi asasusane mal᷊unussa, ere anaanna apan maṛṛoro nallappassa wuṛṛu namate si'o.

YEREMIA 32:43

Taumata mabbisara manungku wanua indi naola'e ere wadda'u anne apan tawe atanaannu taumata wuṛṛu winatangnga, wuṛṛu manungku wanua indi nanawote su liman taumatan Babel. Arawe i Ya'u mabbisara manungku allo addantane manga wawail᷊annu sarun ipabbawalli apia su wanua indi;

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 3:1

Mangke atonna, Mawu Apan Lembontaṛṛino sarun manganu wuassu Yerusalem wuṛṛu Yehuda al᷊awo'u anna wuṛṛu ua'e apan sasahipunanna. Aroddi lai anambon taumata apan ia'bansakki mangitou:

DANIEL 9:5

I yami narosate, i yami buatte na'ola'a alaleo, wuṛṛu na'ola'a pasasal᷊a. I yami buatte namangalo wuṛṛu nilumawangnga parenta-Nu see sinumewadda wuassu manga atoran-Nu.

YEHEZKIEL 25:13

Ana waugu udde i Ya'u mangal᷊iata manungku i Ya'u sarun makkuumannu Edom wuṛṛu mamate suapan taumata wuṛṛu suapan binatangnga poiaroddi. Ahewallu wanua udde, wuassu soa Teman maddatingngu soan Dedan, Ta'u olaanna mal᷊annabba; tumanangnge sarun mate sulal᷊ummu pangalo.

YEHEZKIEL 20:27

Ne, taumata apan mattate, wal᷊oa'a su taumatan Israel, apa apan i Ya'u Mawu Apan Atanggaṛṛanne mabbal᷊o si mangitou: Indi sonto waine apan mapal᷊iatta'a ereapa iupungngu al᷊amonanu nangal᷊uandaga si Ya'u wuṛṛu tawe satia si Ya'u.

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEREMIA 36:29

Mawu nandolo'u niapawal᷊o arendi su ratu, “I'o buatte nanutungnga buke lalul᷊unna udde, wuṛṛu i'o naiwal᷊o si Yeremia anio i tou namoṛṛetta manungku ratun Babel sarun dumanta wuṛṛu makkimunsa'a wanua indi see mamate tumanangnge suadio'a ringannu manga winatangnga.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

LAL᷊ALLU 1:20

O, Mawu! Ellehewe i ya'u, naungku sussinggawanga wuṛṛu uasongkakka, naṛṛimunsa'a ana waugu al᷊al᷊eo'u dorone. Su manga lal᷊anna pia pamamate, sulal᷊ummu wal᷊en pia papate.

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

YEHEZKIEL 6:14

Ore, i Ya'u sarun mamaten lima-U wuṛṛu makkimunsa'a wanua mangitou, ma'oman sara maola'a mal᷊annaba, manattakka wuassu Wadda'u Timukka maddatingngu soa Ribla su sawannakka. Wuassu manga tampa apan wawanuannu taumatan Israel, taweddu saran sambau apan iapaasal᷊amatta. Ne anambon taumata masingkatte manungku ete i Ya'u Mawu.”

YEHEZKIEL 14:12

Mawu nabbisara si ya'u, “Ei taumata apan mattate,