YEHEZKIEL 13:10 - WUKE SUSI WATTI'U AL᷊AL᷊USASSA

¹⁰ Ei manga nabi awusu! I yamiu buatte nangal᷊iwun uma-U ringannu mabbisara manungku sarangkanambone mal᷊angnganna wuṛṛu naatokke. Sumbal᷊i wutte'e mangke tawe! Uma-U buatte napararisikku tanda batu tela apan mal᷊oangnga addone, wua'udde i yamiu rumanta wuṛṛu mamuṛṛa.

YEHEZKIEL 13:10 Referans Kwoze

YEHEZKIEL 22:28

Manga nabi mammuni manga rosa udde; i mangitou naal᷊ihidda taumata apan mammuṛṛa darandungnga apan kotoṛṛe. Manga aellegi mangitou awusu, aroddi lai manga pani'atti mangitou. I mangitou mangnga'u manungku tanata apan niapasingkatti mangitou uddewe apan nisengkammi mangitou wuassu Mawu Apan Atanggaṛṛanne, sumbal᷊i i Ya'u mangke tawe nabbisara si mangitou.

YEHEZKIEL 13:16

ei manga nabi awusu! I yamiu manni'atta manungku Yerusalem mal᷊angnganna wuṛṛu naatokke, sumbal᷊i atonna-tonna tawe!” Etearoddi wisara Mawu Apan Atanggaṛṛanne.

YEREMIA 14:13

Ana see i ya'u nabbisara, “Oh Mawu Apan Atanggaṛṛanne, I'o masingkatta manga nabi buatte nabbisara su tumanangnge manungku tate pangalo ara'e al᷊aṛṛutumma, ana waugu I'o buatte naddiandi manungku wanua indi sidutu sulal᷊ummu paddarame.”

YEREMIA 8:11

Manga lessan uma-U su sunna mangitou tumba'u lessa addio'a. ‘Eh, tawe apa-apane,’ unni mangitou, ‘Sarangkanambone mapia wuṛṛu mal᷊angnganna.’ Wutte'e mangke tawe.

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

2 MARARATU 21:9

Arawe taumatan Yehuda mal᷊awanga Mawu, wuṛṛu ewe'e lai ete i Manasye na'oman sara i mangitou na'ola'a manga rosa apan al᷊eoanne wuassu rosa apan niola'u manga walahanna apan nilimbuaṛṛanu Mawu wuassu Kanaan sutempo walahannu Israel sinumutta su wanua udde.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

1 YOHANES 2:26

I ya'u namoṛṛetu suratta indi si yamiu su ola'u manga taumata apan tantal᷊anna mangngawusu si yamiu.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

1 TIMOTIUS 4:1

Ghaṛṛahon Duata ringannu masemakka nabbisara manungku su tempo apan sarun rumanta, sangkawageanganna taumata sarun massinaaddi Kristus. I mangitou sarun tumuṛṛutta manga ghaṛṛaho apan mangngal᷊iwu wuṛṛu tumantalonga manga al᷊aṛṛa'u ghaṛṛaho lal᷊eo,

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

YEHEZKIEL 7:25

I mangitou naṛṛiaannu asasusa wuṛṛu niawul᷊iannu antimma, ana see maddea'a paddarame, arawe i mangitou tawe naasangkalla.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

YEREMIA 28:9

Arawe nabi apan mammani'attu ola'u paddarame, tumba'u wotongnge a'uanna sangkatou nabi apan atonna-tonna nirolokku Mawu, amungkangngu manga pani'anne udde atonna.”

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 8:15

Tawe gunane i ite mangngantimma paddarame wuṛṛu tempon pangangapia, ana waugu pia tumba'u araṛṛagissa.

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 4:10

Wua'udde i ya'u nabbisara, “Mawu Apan Atanggaṛṛanne, I'o buatte namahia taumatan Yehuda wuṛṛu tumana'u Yerusalem! I'o nabbisara manungku sarun pia paddarame, wutte'e orassa indi niawan kami su pentakku hal᷊ele.”

YESAYA 57:21

Tawe atatammudda su taumata marosa,” wisara Mawu.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

AMSAL 12:26

Taumata mapia ma'untunganna wuassu al᷊indonganne; taumata lal᷊eo umal᷊iwu ana waugu al᷊al᷊eone.

2 TAWARIKH 18:12

Tantal᷊anna udde daroloṛṛanna apan nangal᷊appa si Mikha, nabbisara si Mikha, “Anambon nabi waine buatte namasingkatta manungku auntunganna tumba'u su ratu. Antimanna i Papa lai mangapiddu watti'a mapia ere lai i mangitou.”

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

HOSEA 9:7

Nia'omante pallaṛṛuumanna, tempo ipanengkamma wawal᷊issa wuassu al᷊awo'u inolaanna. Israel sarun mamendamma udde! I yamiu mabbisara, “Nabi apan tataṛṛinoannu ghaṛṛaho indi longonna! Nabbewate ito!” I yamiu mabbisara aroddi ana waugu i yamiu mabbinsi atonna si ya'u wuṛṛu rosanu tumaniten wahewalla.