YEHEZKIEL 12:7 - WUKE SUSI WATTI'U AL᷊AL᷊USASSA

⁷ Ana see i ya'u tinumuṛṛutte parenta Mawu si ya'u. Su allo udde lai, tantal᷊anna ta'e allattune, i ya'u nandiahite saranapa'u sulal᷊ummu sambau pinampiunanna, ere lai inanaramanne a'olaannu tumatal᷊angnga. Sutempo allo maṛṛabbite, i ya'u nallassutta loṛṛangnga ringannu lima'u su darandungngu wal᷊e'u. Ringannu wawialannu awadaalla, pinampiunanna udde ta'u nipasanna su wambangku, wua'udde i ya'u inaite.

YEHEZKIEL 12:7 Referans Kwoze

YEHEZKIEL 24:18

Marua allo maṛṛanggapa i ya'u nabbisarate su walahanna udde wuṛṛu ṛabbine awingku nate. Tiṛṛabbine i ya'u na'ola'a apa niparenta si ya'u.

YEHEZKIEL 37:10

Ne i ya'u nabbisara uasul᷊ungngu parenta Mawu ne anginna lai nattiuppen sasangngo sulal᷊ummu manga waddangnga udde ana see i mangitou nabbiakka wuṛṛu dirumarisikka. Reenganni mangitou tumaniten manambo, wotongnge ipallanginnu sambau ammul᷊annu tantara apan bahewalla.

YEHEZKIEL 37:7

Wua'udde i ya'u Yehezkiel nabbisara su manga duṛṛi udde uasul᷊ungngu parenta Mawu. Wuṛṛu tantal᷊anna i ya'u mabbisara udde, i ya'u naaringikka tingikka uaṛṛateanna, ana waugu duṛṛi udde mannatakke massampa'a sambau ringannu waine.

WATTI'U MANGA RASUL 26:19

“Ana waugu udde, Tuangnga Agripa, i ya'u sidutu mattinsahadda tuttuṛṛutta sondappa apan suete ta'u nisengkamma wuassu Ruata udde.

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

MARKUS 14:16

See ruang katou mallal᷊aṛṛenggennu Mawu Yesus udde inaite watukku soa. Poiaroddi itarua naaratingnga sarangkanambone ere suete niwalo Mawu Yesus. See i mangitou nanaddiate annu Paskah.

YEHEZKIEL 12:3

Ana waugu udde, ei taumata apan mattate, tantal᷊anna allo ta'e allatune, pandiahite manga saranapanu su lal᷊ummu sambau wungkusanna ere inanaramanna a'olaannu taumatan buanganna. Tantal᷊anna ṛabbi taambe, tantanga'e wal᷊enu su saruanni mangitou ere taumata apan iapidda su pamamuanganna. Ola'e loṛṛangnga su darandungngu wal᷊enu ringannu aellehannu taumata mal᷊awangnga udde, wuṛṛu apira'e pinampiunanna apan lal᷊oṛṛoannu manga saranapanu udde see sabbangnga wuassu loṛṛangnga udde. Pasante pinampiunanna udde su wambangngu. Amatte sulal᷊ummu wasa tuudda; taapete matanu ma'oman sara i'o tawe maasilo lal᷊anna apan a'amatannu. Wala'e ahewallu walahannu Israel maasilo sarangkanambone apan niolangngu udde, tadea'u maola'a pananaunganna si mangitou. Asinungka i mangitou sarun maatinnau manungku i mangitou udde lumal᷊awangnga.”

YEHEZKIEL 2:8

Ei taumata apan mattate, paddaringi'o apa apan iwisara-U si'o. Arie mallaṛṛenggenna lumawangnga lai. Wu'ate moṛṛongngu wuṛṛu ante apa apan Ta'u ionggolla si'o.”

YEHEZKIEL 12:8

Tiṛṛabbine Mawu nabbisara si ya'u, wisara-Ne,