YEHEZKIEL 12:14 - WUKE SUSI WATTI'U AL᷊AL᷊USASSA

¹⁴ Anambon lal᷊oṛṛon bal᷊en araratuanna, nasutta manga mananantiro wuṛṛu mandariaga ratu sarun Ta'u isal᷊iawukka su al᷊awo'u tampa. I mangitou sarun Ta'u enggenanna wuṛṛu Ta'u pateanna.

YEHEZKIEL 12:14 Referans Kwoze

YEHEZKIEL 5:2

Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

YEHEZKIEL 17:21

Tantarane apan apianne sarun mate sulal᷊ummu pangalo wuṛṛu ingana'a naatal᷊angnga sarun massal᷊iawukka su anambon tampa. Ne uma-U maasingkatte manungku i Ya'u, Mawu buatte nabbisara.”

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 14:17

Wotongnge mariaddi i Ya'u mandantan pangalo su wanua udde, wuṛṛu i Ya'u mangirimmu manga ahidda lutangnga apan apianne ipamate mawae taumata aroddi lai winatangnga.

YEREMIA 42:22

Ana waugu udde, naungete: su wanua apan rantanni yamiu wuṛṛu matana'a isudde, i yamiu sarun mate sulal᷊ummu pangalo, ara'e waugu ṛutumma ara'e al᷊aṛṛusa'itta.”

YEREMIA 42:16

“Pangalo wuṛṛu al᷊aṛṛutumma apan iaata'utti yamiu sarun uatantalongnga si yamiu maddatingngu Mesir, wuṛṛu i yamiu sarun nate su wanua udde.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

YEREMIA 49:32

Mawu nabbisara apia si Nebukadnezar, “Aṛṛote manga unta wuṛṛu anambon winatangnga papadul᷊iananni mangitou! Manga taumata apan utangnge nipol᷊o maautta udde sarun i Ya'u isal᷊iawukka su anambon tampa. I Ya'u sarun mandantan asasilaka si mangitou wuassu al᷊awo'u pappi'uanne.