YEHEZKIEL 12:13 - WUKE SUSI WATTI'U AL᷊AL᷊USASSA

¹³ Arawe i Ya'u sarun mantaingngu soma-U ipanametta si tou. See Ta'u iapidda i tou su soan Babel, wuṛṛu poiaroddi i tou sarun nate ringannu tawe maasilo soa udde.

YEHEZKIEL 12:13 Referans Kwoze

HOSEA 7:12

Arawe suapan i mangitou sumabbi, i Ya'u sarun mantaingngu sedda wuṛṛu manamentta si mangitou ere taumata manametta manu'u winalanganna. I Ya'u sarun makkuumanni mangitou ana manga al᷊al᷊eon mangitou apan buatte Tau niasingkatanna.

YEHEZKIEL 17:20

I Ya'u sarun mamataddu soma ipanametta si mangitou. I tou sarun Ta'u iapidda su Babel wuṛṛu Ta'u iṛṛuumanna poiaroddi, ana waugu i tou tawe satia si Ya'u.

YEREMIA 39:7

Wua'udde i Zedekia nilasso'a matane, see niṛṛapussa wuṛṛu niapidda su Babel.

YEHEZKIEL 32:3

Sutempo manga walahanna uaammulla, i Ya'u sarun manametta si'o ringannu soma-U, wuṛṛu mamalan manga walahanna udde wol᷊engannu watukku ammaranne.

YEHEZKIEL 17:16

Ana waugu i Ya'u, Ruata apan biakka, Mawu Apan Atanggaṛṛanne, ratun Yehuda sarun mate su Babel, ana waugu i tou buatte nassinaaddu sasalune wuṛṛu nilumawangnga paairene ringannu ratun Babel apan buatte niapa'aianni tou su adderan araratuanna.

LUKAS 21:35

Ana waugu Allo udde sarun rumanta ere wal᷊ati'a su anambon taumata su wowon runia indi.

LAL᷊ALLU 3:47

i yami niaṛṛiaannu asasilaka wuṛṛu ahahohakka, see mabbiakka sulal᷊ummu asasilaka wuṛṛu atata'utta.

LAL᷊ALLU 1:13

Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

YEREMIA 50:24

Mawu nabbisara, “Babel, i'o nilumawangnga si Ya'u, ana waugu udde nul᷊ussa sulal᷊ummu sedda apan Ta'u nitaingnga si'o, arawe i'o tawe maatutukka.

YEREMIA 34:3

I'o tawe maatal᷊angnga, ewe'e sametanna wuṛṛu itantilla si tou. I'o sarun massomba wuṛṛu maggahatton tou sassane, wua'udde i'o inaite watukku Babel.

DARALO 11:6

Taumata lal᷊eo niṛṛuuman-Ne ringannu asasilaka, ringannu putungnga, mal᷊elanga wuṛṛu anginna apan maaepodda.

AYUB 19:6

Ṛinone i yamiu masingkatta manungku i ya'u tantal᷊anna sassansarannu Ruata, wuṛṛu nisametta sulal᷊ummu sedda-Ne.

DARALO 66:11

I'o namalan kami nul᷊ussa su sedda, wuṛṛu I'o nangonggolu winabbawa apan mawakkata.

YEREMIA 24:8

Arawe i Zedekia ratun Yehuda, suadio'a ringannu manga tembonanne apan maranin tou, wuṛṛu lamben taumatan Yerusalem apan sidutu uatana'a su wanuane indi ara'e nangingkatta watukku Mesir, i mangitou sarangkanambone sarun Ta'u olaanna ere wuan ara apan mangkawukku'a indi, apan tawe iaanna. I Ya'u, Mawu, buatte nabbisara.

YEREMIA 32:5

Wua'udde i Zedekia sarun iapidda watukku Babel wuṛṛu matana'a poiaroddi ma'oman sara i Ya'u makkuumanni tou. Salaiwe i tou mamangalo taumatan Babel, i tou sarun tawe maauntungnga. Ya'u, Mawu, buatte nabbisara.”

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

AYUB 18:10

Su leta'a, uawuni tal᷊in sedda; su lal᷊anna, uataingnga paṛṛabba wuṛṛu sedda.