YEHEZKIEL 10:2 - WUKE SUSI WATTI'U AL᷊AL᷊USASSA

² Wua'udde Ruata nabbisara su taumata apan uapeddettu linen udde, “Suttate suwallattu manga bola su al᷊ungngu manga mala'ekatta udde, wuṛṛu panganute sangkangkumma waṛṛan putungnga. Wua'udde sal᷊iawuṛṛa'e waṛṛa udde su soa.” I tou tinumuṛṛutta, wuṛṛu i ya'u mangke mannutukka si tou.

YEHEZKIEL 10:2 Referans Kwoze

SONDAPPA 8:5

Wua'udde mala'ekatta nanganu pananutunganna amania udde, wuṛṛu niloṛṛoantem putungnga wuassu meddan sasamba, see tinuntunga su wowon dunia. Ne rallu'a naposete wuṛṛu sawallo ma'ilatte, wuṛṛu nariaddite linukka.

YEHEZKIEL 1:13

Su pattangngannu manga riadianna udde pia sambau apan aasiloanna ere waṛṛan putungnga ara'e obore lukkenggamma apan u'al᷊ore tawe illol᷊one. Putungnga udde lukkawiassa wuṛṛu maṛṛente'u ṛenggamme ere sawallo.

YESAYA 30:30

Mawu sarun mapararingikku tingik-Ke apan mawantuga, wuṛṛu suapan taumata sarun maapendamma taṛṛino-Ne apan bahewalla. Asasa'u-Ne sarun mandantan putungnga apan mannoṛṛobba, uranna masaddatta, uranna watu wuṛṛu tandi'a.

DARALO 140:10

Arie pabbala'a see'u maauntunga; wala'e manga wisara lal᷊eo apan iwisaran mangitou maṛṛia'a su watanganni mangitou apan mallobbossa si ya'u.

YEHEZKIEL 9:11

Wua'udde taumata apan uapeddettu linen udde nabelengke wuṛṛu nabbal᷊o su Mawu, wisarane, “Anambon parenta Mawu buatte niamatta.”

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

DARALO 18:10

Langitta niwaa-Ne, ana see sinumossoke i Tou ringannu winabbawa marandumma su al᷊ungngu ledda-Ne.

DANIEL 7:9

Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

SASABANGNGA 25:18

Pa'ola'e darua mala'ekatta wuassu wul᷊awanna nisassala,