YAKOBUS 5:8 - WUKE SUSI WATTI'U AL᷊AL᷊USASSA

⁸ Ṛinone i yamiu lai masabbare wuṛṛu pia naungnga wahewalla, ana waugu allon darantan Mawu maranite.

YAKOBUS 5:8 Referans Kwoze

YAKOBUS 5:9

Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

2 TESALONIKA 3:5

Doronganna Mawu mangehetta si yamiu ana see wotongnge lembon maasunna manungku Ruata marangngu si yamiu wuṛṛu manungku Kristus nangonggollu atatamudda si yamiu.

ROMA 8:25

Arawe amungkangngu i ite mangngantimma apa apan taambe niasiloanni ite, ne i ite ṛinone uaraṛṛado ringannu asasabare.

DARALO 130:5

I ya'u uaṛṛaddo sasumbalan Mawu, paaire-Ne ta'u aantimanna.

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

YEHEZKIEL 7:12

Tempone mal᷊ihakke rumanta, allone maranite! Mamamalli wuṛṛu mabbawal᷊u'a tawe naasomba auntunganne apa-apa, ana waugu ṛuumannu Ruata maṛṛia su anambon taumata.

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

1 TESALONIKA 2:19

Atonna ete i yamiu aantimanna wuṛṛu maal᷊uassa si yami. Ana waugu napawe Mawu Yesus rumanta, wuṛṛu i ite sumaruanna si Tou, ne ete i yamiu apan maal᷊uassa si yami!

YAKOBUS 5:3

Wul᷊awanna wuṛṛu sal᷊aanu nitaiante, taine sarun maola'a tatiala lumawangnga si yamiu wuṛṛu sarun umanna wadangu ma'oman sara masue ere putungnga. I yamiu suete nangombon darotongnga su tempo maraniten allon panginsueanne.