YAKOBUS 5:1 - WUKE SUSI WATTI'U AL᷊AL᷊USASSA

¹ Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

YAKOBUS 5:1 Referans Kwoze

AMSAL 11:28

Isai apan mangngasakku paa'alane sarun manawo ere rongnga naṛṛangute; taumata apan susi sarun mati'akka ere lal᷊uwon rongnga wakku.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

YAKOBUS 1:11

Su tempo matannallo lumapputa ringannu paddisa apan mal᷊oso, ne ahuranganna udde sarun tumolangnga ma'oman sara manontonga wungane wuṛṛu mawul᷊ite lai araṛṛansange. Aroddi lai taumata ala; i tou sarun maṛṛimunsa'a su tempo i tou mappaamattu manarane.

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YAKOBUS 4:13

Manga tuṛṛangnga apan nabbisara, “Allo indi ara'e tiṛṛabbi yami sarun inai watukku soa sambau wuṛṛu matana'a poiaroddi santonna al᷊annune ana waugu mabbal᷊u'a wuṛṛu maddea'a roitta,” – daringiṛṛe'o tatantiro'u indi.

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

YOEL 1:11

Ei manga mabbawailla, lalluaite! Ei mabbawaillu anggore, sasangitte! Ana waugu gandumma, jelai wuṛṛu anambon pangitinganna nal᷊al᷊eo.

YOEL 1:5

Ei manga taṛṛa wu'anna, apu'ote! Ei manga taṛṛa inumma, lalluaite! Ana waugu anggore apan wakku buatte niaṛṛo wuassu moṛṛongngu.

YEHEZKIEL 19:2

Inangngu naal᷊ihidda singa wawine apan matohassa wuṛṛu tawe sul᷊ungnge. I tou namadul᷊i manga anange suwallattu manga singa matohassa.

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

YAKOBUS 4:9

Ṛinone atonna-tonna i yamiu sumassilla wuṛṛu lumuai lapiddu lumal᷊o; ṛinone lal᷊agenu maola'a lal᷊uai wuṛṛu al᷊al᷊uannu maola'a asasusa!

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

YESAYA 15:3

Manga taumata su lal᷊anna ual᷊uṛṛen laubba karongnga tatialan lullal᷊o; taumata lullallu wuṛṛu lulluai su leta'a mal᷊alangnga wuṛṛu su atuppu wal᷊en.

YEHEZKIEL 30:2

“Ei taumata apan mattate, pani'atte wuṛṛu wal᷊oa'e su walahannu Mesir apa apan i Ya'u Mawu Apan Atanggaṛṛanne nabbisara si mangitou. Sal᷊andete wuṛṛu lalluaite arendi: Uare! Allo Mawu maranite! I tou ringannu mal᷊ihakka sarun mammanara. Allo marandumma wuṛṛu pia binabbawa, tempone manga walahanna sarun manengkamma ṛuumanna.