YAKOBUS 3:5 - WUKE SUSI WATTI'U AL᷊AL᷊USASSA

⁵ Aroddi lai lilan kite: salaiwe lilan kite udde adio'a, arawe i tou wotongnge mamarabungan watanganne su manga inolaanna apan wahewalla. Ṛangngoa'e aroddi ahewalle mahurangnge wotonge tutungannu putungnga apan tumaniten addio'a!

YAKOBUS 3:5 Referans Kwoze

AMSAL 18:21

Lila pia taṛṛino manal᷊amatta pabbiaṛṛanna ara'e manggohakku pabbiaṛṛanna; taumata ṛinone mamasanna pangillul᷊eannu wisarane.

AMSAL 12:18

Walate wisarane wotongnge maal᷊essa naungnga ere niusu'u hal᷊ele; manga wisaran pande naal᷊ihidda undamma apan maapia.

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

DARALO 17:10

i mangitou wagga umakkanna wuṛṛu mabbisara ringannu mawunga.

YUDAS 1:16

Manga taumata udde siddutu sussungkuta wuṛṛu mapaasal᷊an taumata waine. I mangitou mabbiakka tuttuṛṛutta manga apulun naungngi mangitou apan marosa. I mangitou taṛṛa watti'u watanganni mangitou sassane, wuṛṛu massal᷊o'u taumata ana see maasomba auntunganna.”

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

AYUB 22:17

Ete i mangitou udde apan waṛṛani nanol᷊a'u Apan Lembontaṛṛino, wuṛṛu massunna i Tou tawe maola'a mangapa si mangitou.

SASABANGNGA 15:9

Unnu seetta, ‘I mangitou sarun ta'u enggenanna wuṛṛu ta'u sametanna, ta'u sawutanna hal᷊ele'u, wuṛṛu ta'u pateanna abbi i mangitou. Ana see anambon darotongngi mangitou ta'u anuanna, ta'u tahianna wuṛṛu ipaatta ma'oman sara mawusa.’

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

YEHEZKIEL 29:3

Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

DARALO 39:1

Su piaṛa'u mangangantari. Daralon Daud. Tuddane si Yedutun.

AMSAL 26:20

Napawe alu nappusse, ne putungnge mappaddumpe; napawe iapa tal᷊imoṛṛonganna tate baddi'a, ne patatiakka lai nasuete.

YAKOBUS 3:4

Panganute lai sambau apalla maola'a sasumandinge. Salaiwe apalla sambau inolaanna apan aroddi ahewalle wuṛṛu iaapidu anginna apan ma'ikkatta, arawe i tou iappiaṛṛa'u aul᷊inna apan tumaniten adio'a, tumuṛṛuttu apulu mangangul᷊inna.