YAKOBUS 2:8 - WUKE SUSI WATTI'U AL᷊AL᷊USASSA

⁸ I yamiu ma'ola'a su ṛinone, amungkangu i yamiu tumuṛṛutta titan Araratuanna sulal᷊ummu wageangu Wuke Susi indi, “Pandangngu sansul᷊ungu ere i yamiu mandangngu watangannu sassane.”

YAKOBUS 2:8 Referans Kwoze

IMAMATTA 19:18

Imbaṛṛangnga mabbal᷊issa a'une wuṛṛu maddantinnu taumata waine, arawe pandangngute sansul᷊ungngu ere lai yamiu mandangngu watangannu sassane. Ete i Ya'u Mawu.

GALATIA 5:14

Anambon titan agama naammulle sulal᷊ummu parenta sambau indi, “Ṛinone i yamiu uararangngu su sansul᷊ungngu taumata ere lai yamiu mandangngu wadangngu sassane.”

YAKOBUS 2:12

Pabbisarate wuṛṛu pa'ola'e ere taumata apan sarun parikisanna tumuṛṛuttu titan Duata apan mamallosu taumata.

MATIUS 22:39

Parenta aruane nassul᷊ungngu paarorone eteudde: Pandangngu sansul᷊ungngu taumata ere i'o mandangngu ririnu sassane.

GALATIA 6:2

Ṛinone i yamiu uatatul᷊ungnga uapasanna winabbawan taumata waine tadea'u ringannu aroddi yamiu tuttuṛṛuta parentan Kristus.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

YUNUS 4:4

Sasimbakku Mawu, “I'o tawe pinangiananne mabbal᷊i masa'u aroddi.”

2 MARARATU 7:9

I mangitou uahahattote, “Inolaanni indi lal᷊eo. Watti'a indi watti'a apan mapia, wuṛṛu ṛinone iapasingkatti ite! Amungkangu i ite maṛaddo sara tiṛabbi, i ite sarun iṛuumanna. Mappianne i ite mamasingkattu olange indi watukku wal᷊en araratuanna.”

1 TESALONIKA 4:9

Tate gunane lai yami mamoṛṛettu suratta si yamiu su ola'u ereapa i yamiu ṛinone mandangngu manga tuṛṛangnga apan sambau su pangangimanna. I yamiu sassane suete niaṛṛaannu Ruata ana see i yamiu uararangngu.

FILIPI 4:14

Arawe i yamiu suete nantul᷊ungku sulal᷊ummu asasusa'u; wuṛṛu apa apan niola'i yamiu udde atonna wuṛṛu mapia.

MATIUS 25:23

‘Mapia,’ unnu mawu udde, ‘i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun mangagillu anamboanne si'o. Suttate wuṛṛu lalluasse ringangku!’

YUNUS 4:9

Arawe Ruata nabbisara si tou, “I'o tawe wotongnge mabbal᷊i aroddi asusane ana waugu sinuananna udde!” Yunus sinumimbakka, “Anio tawe? Suṛṛinone i ya'u masa'u atonna ma'oman sara mate.”

1 MARARATU 8:18

Arawe Mawu nabbisara si tou, ‘Pandumannu udde mapia.

YAKOBUS 2:19

I yamiu mangngimanna manungku Ruata tumba'u sambau, are? Ne manga ghaṛṛaho lal᷊eo lai mangngimanna wuṛṛu i mangitou mangngindon katata'utta!

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

MATIUS 7:12

Ola'awe taumata waine ere i yamiu lai maapulu olaanni mangitou. Eteudde lal᷊oṛṛon al᷊aṛṛa'i Musa wuṛṛu manga nabi.”

ROMA 13:10

Taumata apan mandangngu taumata waine tawe ma'ola'a al᷊al᷊eo su taumata udde. Nariaddi taumata apan mandangngu sansul᷊ungnge eteudde taumata apan suete tinumuṛṛutta anambon titan agama.

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.