YAKOBUS 2:23 - WUKE SUSI WATTI'U AL᷊AL᷊USASSA

²³ Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

YAKOBUS 2:23 Referans Kwoze

PANDARIADDI 15:6

I Abram nangimante Mawu, wuṛṛu ana waugu udde Mawu nanengkamma lai si tou maola'a taumata apan ma'al᷊uassa naung-Nge.

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

2 TAWARIKH 20:7

Tumba'u I'o Ruatan kami. Sutempo al᷊aṛanang-Ngu, walahannu Israel, nirumanta su wanua indi, I'o nallimbuakka manga taumata apan sutempo udde uatana'a isindi. Ana see I'o nangonggolu wanua indi su papapulunni Abraham, hawe-Nu, maola'a leta'a pussa'an mangitou saran mal᷊annu-l᷊annu.

GALATIA 3:6

Udde ere lai uawoṛṛetta sulal᷊ummu Wuke Susi su ola'i Abraham – arendi, “Abraham mangngimanna Ruata wuṛṛu ana waugu pangangimanne udde i tou nitarimmatu Ruata maola'a taumata apan maal᷊uassa naungngu Ruata.”

SASABANGNGA 33:11

Mawu uahahatton Musa ringannu uahahati, naal᷊ihidda taumata uahahatton yawene. Wua'udde i Musa nabbelengke su paddasananna. Arawe i Yosua ana'i Nun, sangkatou umbasanna ual᷊al᷊ima si Musa, sidutu uatana'a sulal᷊ummu Rasanna udde.

ROMA 11:2

Tawe! Ruata tawe nandammen walahan-Ne apan buatte nipile-Ne ro'en paarorone. Manga tuṛṛangnga masingkata apa apan uawoṛṛetta sulal᷊ummu Wuke Susi su ola'i Elia, su tempo i tou nangalaen hatton taumatan Israel su Ruata, Elia nabbisara,

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

AYUB 16:21

Ah, antimanna Ruata sassane manamba'a si ya'u su saruan-Ne, naal᷊ihidda sangkatou apan maapulu manamba'a hawene.

ROMA 9:17

Ana waugu sulal᷊ummu Wuke Susi uawoṛṛetta, “Ruata nabbisara su Ratu Mesir, ‘I Ya'u ma'ola'a si'o ratu ana waugu sambau pandumanna indi, eteudde tadea'u ringannu ririnu i Ya'u mapaal᷊iatta'u araratuang-Ku wuṛṛu ma'ola'a arang-Ku asingkatannu lal᷊oṛṛon runia.’ ”

LUKAS 4:21

Wuṛṛu Mawu Yesus nanattakke nabbisara si mangitou ereindi, “Manga wageangngu lal᷊oṛṛon Wuke Susi su allo indi natipusse su tempo i yamiu naaringikka watti'a udde.”

MARKUS 15:27

Su sambau ringannu Mawu Yesus, i mangitou lai nangarussan ruang katou taṛṛa ṛampassa; sangkatou su uananna wuṛṛu sangkatou lai su aiṛṛi. [

MARKUS 12:10

I yamiu asinungka suete naawasa addoanne sulal᷊ummu Wuke Susi, ‘Watu apan tawe ipaattu manga maaola'a wal᷊e naola'e watu apan paarorone.

1 PETRUS 2:6

Ana waugu sulal᷊ummu Wuke Susi uawoṛṛetta arendi, “I Ya'u suete namile sambau watu maarega, apan Ta'u niaddo su Sion maola'a watu apianne; wuṛṛu taumata apan mangngimanna si Tou tawe iapaasusa naungnge.”

2 TIMOTIUS 3:16

Sarangkanambone apan uawoṛṛetta sulal᷊ummu Wuke Susi, tinantiron Duata wuṛṛu pia gunane ipangaṛṛa'a al᷊aṛṛa'a su ṛinone, ipanaggu, wuṛṛu ipangapia apan nassal᷊a, wuṛṛu ipangaṛṛa'a taumata tadea'u mabbiakka tumuṛṛuttu apulun Duata.

WATTI'U MANGA RASUL 1:16

“Manga tuṛṛangnga! Apa apan uawoṛṛetta sulal᷊ummu Wuke Susi, udde sarun matipussa. Paarorone wuassi Daud, Ghaṛṛahon Ruata suete namasingkatta su ola'i Yudas, piaṛṛa'u manga taumata apan nanametta Mawu Yesus udde.

YAKOBUS 2:24

Natualage orassa indi, manungku taumata itarimmattu Ruata ringannu mapia ana waugu inolaannu taumata udde, wuṛṛu wal᷊ine tumba'u ana waugu pangangimanne.