YAKOBUS 2:16 - WUKE SUSI WATTI'U AL᷊AL᷊USASSA

¹⁶ Apa hunane i yamiu mabbisara si tou, “Sal᷊amatte mappaattu laubba wakku wuṛṛu sal᷊amatta umanna!” – amungkangu i yamiu tawe mangonggolu apa apan pappandumanni tou su wiakke?

YAKOBUS 2:16 Referans Kwoze

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

MATIUS 15:32

Wua'udde Mawu Yesus namaggo manga mallal᷊aṛṛenggen-Ne see nabbisara, “I Ya'u u'akkannu taumata nambo indi. Tallute allo al᷊annune i mangitou su sampunna ringang-Ku, wuṛṛu orassa indi i mangitou inasueanten anna. I Ya'u tawe mapaapul᷊e mangitou mal᷊unussa, aṛṛombanganne i mangitou mawantingnga su lal᷊anna.”

MATIUS 25:35

Ana waugu su tempo i Ya'u mal᷊unussa, yamiu nangagillu anna si Ya'u, wuṛṛu su tempo i Ya'u marou, i yamiu nangagillu ua'e si Ya'u. I Ya'u sangkatou raho, i yamiu nanarimmatta si Ya'u su wal᷊enu.

MATIUS 25:36

I Ya'u tawe laubba, i yamiu nangagillu laubba si Ya'u. I Ya'u maradda'a i yamiu nangundamma si Ya'u, i Ya'u su ṛuumanna, i yamiu nantul᷊ung-Ku.’

MARKUS 5:34

See Mawu Yesus nabbisara wawine udde, “Ana'u, ana waugu i'o mangngimanna si Ya'u, i'o napiate! Roote ringannu asasal᷊amatta. I'o napiate atonna!”