YAKOBUS 1:27 - WUKE SUSI WATTI'U AL᷊AL᷊USASSA

²⁷ Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

YAKOBUS 1:27 Referans Kwoze

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

1 TIMOTIUS 5:4

Arawe amungkangu sangkatou wawine wal᷊u pia al᷊aṛṛana'a ara'e manga pulunna, ete i mangitou udde apan paarorone onggol᷊annu tatantiro manungku i mangitou ṛinone ma'ellega lal᷊ummu wal᷊en mangitou, wuṛṛu mabbal᷊issa apapian timmade wuṛṛu iupungngi mangitou. Ana waugu pallal᷊agu udde maal᷊uassa naungngu Ruata.

DARALO 119:1

Lal᷊umanna'a su taumata apan mabbiakka tawe sangkulle wuṛṛu matuṛṛutta su manga titan Mawu.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

DARALO 146:9

I Tou mannillumma manga taumata raho; i Tou nantul᷊ungngu manga inawal᷊uanna wuṛṛu asisin timpal᷊uassa, arawe nanal᷊are hol᷊agu taumata lal᷊eo.

MATIUS 12:32

Amungkangngu taumata mabbisara wisara tatompola su Ana'u Taumata, i tou wotongnge ampunganna, arawe amungkangngu i tou mangngaddio'a Ghaṛṛahon Ruata, i tou tawe aampunganna, mapia orassa indi ara'e lai su panginsueanne!”

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

GALATIA 3:11

Tawe saran sangkatou apan masasangkapian Duata ana waugu mappaamattu titan agama. Olangnge udde buatte niapaal᷊iatta'a sulal᷊ummu Wuke Susi, “Tumba'u taumata apan mangngimanna Ruata na'oman sara paa'aukke ringannu Ruata maola'a mapia apia, sarun maralukka!”

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

YAKOBUS 3:9

I ite mappaatta ipaadiangkamanna su Ruata Iamangngi ite, arawe lai ipammontoga sansul᷊ungngu taumata, apan suete niola'a tumuṛṛuttu lihiddu Ruata.

2 PETRUS 1:4

Ringannu olangnge udde Ruata nangonggolu manga al᷊amatta apan wahewalla wuṛṛu maarega si ite apan suete pina'iren Tou. Ringannu manga al᷊amatta udde i yamiu wotongnge mal᷊iu wuassu manga apulu lal᷊eo apan manggohakku runia indi, wuṛṛu i yamiu manengkamma pallal᷊agun Duata.

2 PETRUS 2:20

Taumata apan maaillal᷊a Mawu wuṛṛu Punnu Sal᷊amatti ite Yesus Kristus, napallose wuassu taṛṛinon runia apan maal᷊uhuda taumata. Arawe amungkangu sal᷊imurine i tou niasametta apia na'oman sara tawe naaroapa manga taṛṛino udde, ne ola'u taumata udde panginsueanne maddal᷊eoanne lai wuassu paarorone.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.