YAKOBUS 1:26 - WUKE SUSI WATTI'U AL᷊AL᷊USASSA

²⁶ Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

YAKOBUS 1:26 Referans Kwoze

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

DARALO 141:3

Oh Mawu, riagaiwe moṛṛongku wuṛṛu lu'arewe wiwi'u.

1 PETRUS 3:10

Sulal᷊ummu Wuke Susi uawoṛṛetta arendi, “Taumata apan maapulu mabbiakka wuṛṛu maapulu mamendama miallo-miallo apan mapia, ṛinone mandiagga moṛṛonge tadea'u tawe maggahatto manga inolaanna lal᷊eo wuṛṛu tawe maapabbisaran bawahia.

EFESUS 5:4

Tawe su lal᷊anne lai yamiu mapaasabbangngu manga wisara lal᷊eo wuṛṛu tawe su ṛinone. Ewe'e ṛinone i yamiu u'al᷊iomanna su Ruata.

AMSAL 19:1

Mapianne taumata asiangnga apan mabbiakka matul᷊idda, wuassu taumata woddo apan apulune mammahia.

DARALO 34:13

I yamiu maapulu uukka mal᷊o'engnga wuṛṛu mattemma apan apianne?

AMSAL 10:31

Taumata masaṛṛionto'a mabbisaran manga wisaran apande; taumata lal᷊eo sarun ihanggumma moṛṛongnge.

AMSAL 10:19

Lembon manambo wisara, asinungka manambo lai marosa; taumata apan wotongnge mangul᷊inna lilane i tou udde pande.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

AMSAL 16:25

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.

LUKAS 8:18

Ana waugu udde paanaungete mapia-pia apa apan niaaringiṛṛanni yamiu. Ana waugu taumata apan uatahuante, sarun onggol᷊anna lembon anamboanne lai; arawe taumata tawedu tatahuananne, adio'a apan ta'e si tou sarun anuanna lai.”

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

AMSAL 14:12

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.

TAHIUL᷊E 11:16

Imbaṛṛangnga i yamiu iaparau wuassu Mawu wuṛṛu inai massubba wuṛṛu mattaṛṛamawu su manga Mawu waine.

GALATIA 2:6

Manimbe aroddi, tawe inolaanna wakku apan radeaannu manga taumata apan aellehanna ere piaṛṛangnge wuassia'u – mawala si ya'u tawe paṛṛalanne amungkangngu i mangitou piaṛṛangnge ara'e tawe, ana waugu Ruata tawe mamile hati.

MARKUS 7:7

Tawe gunane i mangitou massubba si Ya'u, ana waugu i mangitou mangngaṛṛa'u atorannu taumata paṛṛimau napa udde ere atorang-Ku!’

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

AMSAL 21:26

Su al᷊o'engngu allo i tou tumba'u maṛṛingidda su ola'u apa apan ipaapulune. Arawae mawal᷊i'a, taumata apan matul᷊idda wiakke wotongnge mangonggolla ringannu manambo-nambo.

1 KORINTUS 15:2

Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

MATIUS 15:9

Tawe gunane i mangitou massubba si Ya'u, ana waugu atorannu taumata, ia'aṛṛa'i mangitou, ere lai atorang-Ku.’ ”

MALEAKHI 3:14

I yamiu mabbisara, ‘Tawe gunane i ya'u mattaṛṛamawu Ruata. Apa hunane mappaamattu manaran kite su Mawu Apan Lembontaṛṛino, ara'e mamasilo si tou manungku i ite sinumassillu pasasal᷊an kite?

YESAYA 1:13

Tawe gunane i yamiu mangapiddu sasambanu udde. Hal᷊urune maamuta si Ya'u. Ya'u maddantinna wuṛṛu tawe maataṛṛangnga ma'ellega si yamiu maddamean Bulanna Wakku, manga allon Sabat wuṛṛu manga allo wahewalla see lai manga pasasomban patataṛṛamawu. Sarangkanambone udde nil᷊al᷊eo manga rosanu wuṛṛu naola'a winabbawa-U; i Ya'u nallomete uapasanna.

1 KORINTUS 15:15

Nangillembo wua isudde, nasemakke manungku i yamiu mangngawusu su ola'u Ruata, ana waugu i yami mabbatti'a manungku Ruata buatte napaawiakki Kristus wuassu papate, wutte'e Ruata tawe napaawiakki tou apia – amungkangngu atonna taumata nate tawe iapaawiakka apia!

AMSAL 16:10

Ratu nanengkamma taṛṛino wuassu Ruata, nariaddi, i tou tawe nassal᷊a sulal᷊ummu laṛṛawenne.

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

DARALO 32:9

Arie naal᷊ihidda awal᷊o apan tawe ṛingidde, apan ṛinone iappiaṛa'u tal᷊in ngirunna wuṛṛu tal᷊i tadea'u tumuṛutta.”

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

GALATIA 3:4

Tate gunane sarangkanambone apan buatte niapendamanni yamiu udde? Ṛatadde tawe gunane!

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

AYUB 15:13

i'o nasa'u su Ruata wuṛṛu lullawangnga.

AYUB 30:11

Ana waugu Ruata na'ola'a si ya'u lome wuṛṛu tawe ikkanne, i mangitou napasabbangngu naungngi mangitou lal᷊eo.