TITUS 2:8 - WUKE SUSI WATTI'U AL᷊AL᷊USASSA

⁸ Pappaatten manga wisara mapia, apan tawe iapaasal᷊an taumata, tadea'u manga seennu masili ana waugu tawe inolaanna lal᷊eo apan wotongnge iwatti'i mangitou su ola'i ite.

TITUS 2:8 Referans Kwoze

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

1 PETRUS 2:15

Ana waugu Ruata maapulu tadea'u ringannu manga inolaannu apan mapia i yamiu maṛṛapinga moṛṛongu taumata apan wagga maggahatto.

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

1 TIMOTIUS 6:3

Isai-sai apan mangngaṛṛa'u al᷊aṛṛa'a uapapaṛṛalan al᷊aṛṛa'a apan naṛṛino wuassu Mawun kite Yesus Kristus, wuṛṛu ringannu al᷊aṛṛa'u agaman kite,

2 TESALONIKA 3:14

Asinungka ta'e pia taumata apan maddiri tumuṛṛutta apa apan niapaasingkati yami sulal᷊ummu suratta indi. Paatehamma su saruannu taumata ereudde wuṛṛu arie maggawen tou tadea'u i tou masili.

NEHEMIA 5:9

Ana see i ya'u nabbisara apia, “Inolaannu udde lal᷊eo! Ṛinone i yamiu mabbiakka ringannu matta'uttu Ruata. Ringannu aroddi seetti ite apan tawe mawune udde tawe onggol᷊anni yamiu tempone mallobossa si ite.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

LUKAS 13:17

Sasimbakku Mawu Yesus udde naasili atonna manga ro'amme; arawe anambon taumata waine lulluassa naasilo al᷊awo'u al᷊aṛṛindu'a apan niola'u Mawu Yesus.

MARKUS 12:34

Mawu Yesus naasilo manungku hurun agama udde suete sinumimbakka ringannu mapia atonna. Wuṛṛu Mawu Yesus nabbisara si tou, “I'o maranite maola'a lal᷊oṛṛon araratuannu Ruata.” Wua'udde tate saran sangkatou lai apan waṛṛani mapaasabangngu aiwal᷊o su Mawu Yesus.

MARKUS 12:32

See hurun agama udde nabbisara Mawu Yesus, “Naṛṛino atonna, Iamangnga Huru! Atonna su wisaran Iamangnga: Ruata apan tinggassa, wuṛṛu tawe Ruata lai waine.

MARKUS 12:28

See nirumantate sangkatou hurun agama madaringikka hatto Mawu Yesus wuṛṛu manga taumatan Saduki udde. Hurun agama udde naasilo manungku Mawu Yesus suete sinumimbakka manga taumata udde ringannu mapia-pia. Ne i tou naiwal᷊ote Mawu Yesus, “Parenta suapa apan ahewal᷊anne wuassu al᷊awo'u parenta?”

MARKUS 12:17

“Ne, amungkangngu aroddi,” wisara Mawu Yesus, “onggol᷊a'a si Kaisar apa apan tatahuanannu Kaisar, wuṛṛu onggol᷊a'a su Ruata apa apan tatahuanannu Ruata.” I mangitou naherangnga naaringikka si Tou.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.