TITUS 2:14 - WUKE SUSI WATTI'U AL᷊AL᷊USASSA

¹⁴ I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TITUS 2:14 Referans Kwoze

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

DARALO 130:8

I Tou sarun mamallosi ite wuassu al᷊awo'u pasasal᷊an kite.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

YEHEZKIEL 37:23

I mangitou tate mandal᷊eo watanganni mangitou ringannu ma'ola'a rosa wuṛṛu massubba manga paal᷊uanna apan maarantinna. I Ya'u sarun mamallossi mangitou wuassu al᷊awo'u tal᷊engko apan naaola'a si mangitou nangal᷊uandaga si Ya'u. I Ya'u sarun mapaasusi mangitou; i mangitou sarun maola'a uma-U, wuṛṛu i Ya'u Ruatan mangitou.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

1 TIMOTIUS 2:10

Arawe ṛinone wawine mallogaka watanganne ringannu manga pallal᷊agu apan mapia su ereapa udde ṛinone olaannu wawine apan massubba Ruata.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

1 TIMOTIUS 1:15

Mangke atonna wisara indi – ana waugu udde ṛinone sengkamanna wuṛṛu pangimananna – : “Kristus Yesus nirumanta su runia indi ana waugu manal᷊amatta taumata marosa.” Wuṛṛu ete i ya'u taumata marosa apan lembon al᷊al᷊eoanne.

WATTI'U MANGA RASUL 15:14

I Simon wakkute lai nanal᷊a'a ereapa Ruata paarorone napaal᷊iatta'u naung-Nge su manga taumata wal᷊ine Yahudi ringannu pandumma mamile wuassi mangitou manga taumata waine apan sarun olaanna pabbawala-Ge.

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

YOHANES 6:51

Ete i Ya'u roti apan niumonto'a wuassu surga – roti apan mangonggolu wiakka. Taumata apan umanna roti indi sarun mabbiakka sarangkal᷊o'engnge. Roti apan Ta'u ionggolla ipabiakku taumata su runia eteudde ṛeme-U.”

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

MATIUS 1:21

I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

MALEAKHI 3:3

I Tou rumanta tadea'u makkuungnga, naal᷊ihidda taumata apan mammaresi wul᷊awanna wuṛṛu sal᷊a'a. Ere sangkatou mapapanden logamma mammaresi wul᷊awanna wuṛṛu sal᷊a'a, aroddi lai daroloṛṛannu Mawu sarun mamaresi manga imam tadea'u i mangitou mangngonggollu manga sasamba ringannu olangnge apan ipaapulun Mawu.

REENGANNA 25:13

I tou wuṛṛu papapulunne Ta'u olanna imam ma'oman sara mal᷊annu-l᷊annu, ana waugu i tou ringannu aroddi aṛṛimadde mannahek-Ku Ruatane, wuṛṛu buatte na'ola'a paddarame su rosan taumatan Israel.”

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

IMAMATTA 25:41

Su tempo udde i tou wuṛṛu manga anangnge wotongnge manantangngu wal᷊enu wuṛṛu mabelengnga ringannu amonanne wuṛṛu watukku leta'u iupungngu al᷊amonane.