TAHIUL᷊E 7:4 - WUKE SUSI WATTI'U AL᷊AL᷊USASSA

⁴ tadea'u i mangitou tawe mapaaraun manga anangngu wuassu Mawu wuṛṛu massubba manga Mawu waine. Amungkangngu i yamiu massubba manga Mawu waine, Mawu masa'u wuṛṛu i yamiu sarun pateanne.

TAHIUL᷊E 7:4 Referans Kwoze

TAHIUL᷊E 6:15

Amungkangngu i yamiu massubba manga monganna waine, ne i yamiu sarun aemaannu asasa'u Mawu Ruatanu wuṛṛu insueanna pateanna, ana waugu Mawu Ruatanu su pattangnganni yamiu maddiri isul᷊ungnga ringannu manga apa waine.

MAL᷊AṚṚUUNGNGA 2:20

Ana waugu udde Mawu tumaniten nasa'u su walahannu Israel, wuṛṛu nabbisara, “I Ya'u buatte nandolokku iupungngu al᷊amonan walahanna indi tadea'u sidutu uaagassa pa'aire-U si mangitou. Arawe walahanna indi namassutta pa'aire udde; i mangitou nilumawanga parenta-U.

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

TAHIUL᷊E 20:18

Patete i mangitou, tadea'u i mangitou tawe maarosa si yamiu su saruannu Mawu Ruatanu wangu i mangitou mangaṛṛa'a si yamiu ma'ola'a manga inolaanna apan ma'arantinna wuassu manga mawun mangitou.

YOSUA 23:12

Amungkangu i yamiu tawe matuṛṛuta wuṛṛu i yamiu maammulu manga walahanna apan ta'e uatana'a ringanni yamiu, wuṛṛu i yamiu ma'awingngi mangitou,

MAL᷊AṚṚUUNGNGA 3:6

Walahannu Israel naawingken manga walahanna udde, wuṛṛu massubbate lai manga monganni mangitou.

SASABANGNGA 34:16

Amungkangngu manga anangngu ma'awingngu manga wawinen taumata raho, i mangitou sarun isal᷊o'u manga wawine udde tadea'u manantang-Ku wuṛṛu massubba manga Mawu mangitou.

YOSUA 22:15

Ne i mangitou na'omate su tampan ṛuanganni Ruben, i Gad wuṛṛu ṛuanganni Manasye su wageangngu Gilead.

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.