TAHIUL᷊E 7:26 - WUKE SUSI WATTI'U AL᷊AL᷊USASSA

²⁶ Imbaṛṛangnga mangaddon sambau paal᷊uanna sulal᷊ummu wal᷊enu, tadea'u wontoga apan maṛṛia'a si tou tawe maṛṛia'a lai si yamiu. Olangnge udde ṛinone ia'atantinni yamiu wuṛṛu a'adio'a, ana waugu buatte niwontohannu Mawu Ruata.”

TAHIUL᷊E 7:26 Referans Kwoze

TAHIUL᷊E 13:17

Manga saranapa apan niawontohanna udde tawe wotongnge sahipunna maola'a darotongngu sassane, arawe ṛinone insueanna abbi. Ne asasa'un Mawu umompo'a wuṛṛu i Tou sarun mapal᷊iatta'u tatal᷊antume si yamiu. I Tou sarun mal᷊uassa naung-Nge si yamiu wuṛṛu ma'ola'a si yamiu walahanna apan bahewalla ere buatte niriandi-Ne su al᷊amonanu,

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

YEHEZKIEL 11:18

Napawe i mangitou mapul᷊ete, i mangitou sarun mandammen anambon paal᷊uanna apan dal᷊eo wuṛṛu ma'arantinna apan niasombanganni mangitou.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

ROMA 2:22

I'o mangngaṛṛa'a taumata tadea'u arie sumandaga, arawe i'o sassane sussandaga! I'o maddantinnu pasasubba paal᷊uanna, arawe i'o sassane mangngal᷊appa sarannapa wuassu wal᷊en paal᷊uanna.

YEHEZKIEL 14:7

Suapan taumatan Israel ara'e taumata raho apan uatana'a suwallattu walahannu Israel, apan nangindau-U wuṛṛu nanantillu watanganne su paal᷊uanna, ana see naddorongnga tatantiro su sangkatou nabi, sarun Ta'u simbaṛṛanna sassane.

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”

TAHIUL᷊E 13:16

Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

TAHIUL᷊E 13:18

sawal᷊iate i yamiu tuttuṛṛutta al᷊awo'u parenta-Ne apan ta'u niwal᷊o si yamiu allo indi, wuṛṛu tumuṛṛutta al᷊awo'a apan ipaapulu-Ne.”

YESAYA 41:24

Mangke atonna-tonna, i yamiu wuṛṛu inolaannu tawe baddi'a, wuṛṛu manga maddaralonu tumba'u ma'arantinna.