TAHIUL᷊E 6:7 - WUKE SUSI WATTI'U AL᷊AL᷊USASSA

⁷ Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

TAHIUL᷊E 6:7 Referans Kwoze

TAHIUL᷊E 11:19

Tantiroa'e su al᷊aṛṛanangngu. Pagattoa'a sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

EFESUS 6:4

Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

1 PETRUS 3:15

Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

AMSAL 6:22

Manga al᷊aṛṛa'i mangitou sarun mangehetta si'o sulal᷊ummu amatanna, mallu'adda si'o sutempo ṛabbi, wuṛṛu mangonggollu tatantiro si'o sutempo i'o mabbangunna.

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

MATIUS 12:35

Taumata apan mapia mannaggon inolaanna apan mapia, ana waugu i tou napenen apapia.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

AMSAL 15:7

Manga wisaran taumata pande napenen asingkatta, arawe ṛingirannu taumata woddo tawe aroddi.

AMSAL 10:21

Wisaran taumata apan mapia, maola'a al᷊amatta su anambon taumata; awawoddon taumata woddo mammate watanganne sassane.

MALEAKHI 3:16

Ana see manga taumata apan matta'uttu Mawu uahahatto sangkatou ringannu sangkatou. Mawu maddaringikka wuṛṛu mannutukka apa apan iwabbisaran mangitou. Manga taumata apan mangngaddatta si Tou wuṛṛu matta'utti Tou, aranne iwoṛṛetta sulal᷊ummu buken pamoṛṛetanna su saruan-Ne.

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

DARALO 129:8

Manga taumata sumabbi taweddu mabbisara, “Antimanna i'o al᷊amatannu Mawu, i yami mangal᷊amatta si'o sulal᷊ummu arannu Mawu.”

DARALO 119:46

Titanu sarun ta'u iapasingkatta su manga ratu, wuṛṛu sarun tawe maasomba asasili.

RUT 4:11

Manga piaṛṛa'u tumanangnge wuṛṛu taumata waine apan uasemodda isudde nabbisara, “Ore, Naomi maola'a matatialane. Antimanna Mawu ma'ola'a awingngu udde ere i Rakhel wuṛṛu i Lea apan nanungkangngu manambo ana'a si Yakub. Antimanna i'o mangke su wiakke wuṛṛu suwallatu manga taumata wuassu ṛuanganni Efrata wuṛṛu antimanna i'o mangke tumelengnga su Betlehem.

DARALO 37:30

Taumata mapia mabbisara ringannu apande, i tou sidutu matul᷊idda sulal᷊ummu wisarane.

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”

RUT 2:4

Tawe nal᷊annu wua'udde i Boas nirumanta wuassu Betlehem wuṛṛu nattabea singana'a mangangitingnga. “Antimanna Mawu uaṛundinganna si yamiu,” wisarane. Mangangitingnga sinumimbakka, “Antimanna Mawu mangal᷊amatta si Papa.”

DARALO 71:17

Oh Ruata, I'o mangangaṛa'a si ya'u ro'en i ya'u ta'e dario'a, naddatingngu orassa indi ta'u iwabbatti'a manara-Nu apan maatiangnga.

YESAYA 38:19

Tumba'u taumata wiakka apan maddalo Si'o, ere apan ta'u niola'a allo indi. Hagurangnge mabbatti'a anangnge aroddi apiane Mawu, oh Mawu.

AYUB 8:10

Daringiṛṛete wisaran taumata pande tempon dorone, i mangitou nangonggollu al᷊aṛṛa'a indi si'o,

DARALO 119:13

Ringannu ma'ikkata i ya'u u'al᷊iata anambon tita apan nionggolu Mawu.