TAHIUL᷊E 6:6 - WUKE SUSI WATTI'U AL᷊AL᷊USASSA

⁶ Imbaṛṛangnga saran paassa ma'abul᷊i manga parenta-Ne apan ta'u nionggola si yamiu allo indi.

TAHIUL᷊E 6:6 Referans Kwoze

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

AMSAL 7:3

Naungete sidutu manga al᷊aṛṛa'u udde wuṛṛu sahipunte sulal᷊ummu wantan dal᷊ummu naungngu.

TAHIUL᷊E 11:18

Paanaungete wuṛṛu panutukke manga parenta udde. Wa'isa'a su ta'iakku wuṛṛu reeta'a su pakkannu tadea'u sidutu nanaunganna.

DARALO 37:31

Titan Ruatane sasahipunanna sulal᷊ummu naungnge, i tou tawe sumewadda tita udde.

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

TAHIUL᷊E 32:46

i Musa nabbisara, “Panutukke anambon parenta apan Ta'u nionggola si yamiu allo indi. Tantiroa'a su al᷊aṛṛanangngu, tadea'u i mangitou ringannu matammuda mappaamattu anambon titan Mawu.

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

AMSAL 3:5

Pangimante Mawu ringannu ahewallu naungngu, wuṛṛu ariete mangasakku pasasunnanu sassane.

LUKAS 2:51

Wua'udde Mawu Yesus napul᷊ete su sampunna ringanni mangitou watukku Nazaret, wuṛṛu uararingikka si mangitou. Anambon inolaanna udde sasahipunannu inangnge sulal᷊ummu naungnge.

DARALO 119:98

I ya'u sidutu uanaungnga parenta-Nu, apan naaola'a si ya'u lembon mappandeanna wuassu manga see'u.

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

2 YOHANES 1:2

Ana waugu Ruata uatana'a sulal᷊ummu naungngi ite, wuṛṛu sidutu uatana'a ringanni ite saran mal᷊annu-l᷊annu.

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

2 SAMUEL 22:23

Anambon tita-Ne ta'u raddaringiṛṛanna manga parenta-Ne tawe abbul᷊ianangku.

TAHIUL᷊E 11:20

Woṛṛeta'a su diṛṛi ngaranu wuṛṛu su ngaran soanu.

DARALO 119:13

Ringannu ma'ikkata i ya'u u'al᷊iata anambon tita apan nionggolu Mawu.

DARALO 119:30

I ya'u buatte namile tadea'u tumuṛutta, apan sidutu nanaungangku.