TAHIUL᷊E 6:3 - WUKE SUSI WATTI'U AL᷊AL᷊USASSA

³ Ana waugu udde paddaringikka manga tuṛṛangnga, ola'e udde ringannu matuṛṛutta, tadea'u i yamiu su lal᷊umanna'a wuṛṛu mabbal᷊i walahanna apan bahewalla su wanua apan ala wuṛṛu masuwukka, ere buatte pina'ire Mawu Ruatanu su al᷊amonang kite.

TAHIUL᷊E 6:3 Referans Kwoze

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

WATTI'U MANGA RASUL 7:17

Napawe maranite tempone Ruata manipussa pa'aire-Ne si Abraham, walahanni ite su Mesir niatambante anambone.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

TAHIUL᷊E 8:8

Su wanua udde manambo wuan manga gandumma, anggore, wuan ara, wuan delima, alu zaitun wuṛṛu pul᷊a.

TAHIUL᷊E 11:9

Wuṛṛu i yamiu sarun mabbiakka mal᷊annu su wanua apan ala wuṛṛu masuwukka, apan pina'iren Mawu su iupungngu al᷊amonanu wuṛṛu su papapulunni mangitou.

TAHIUL᷊E 26:9

Wua'udde I'o nangapiddi yami isindi wuṛṛu nangonggolu leta'a apan ala wuṛṛu masuwukka indi si yami.

TAHIUL᷊E 26:15

Wuassu tampa-Nu apan na'ukkassa su surga sal᷊andeanna I'o mangintanno mata-Nu wuṛṛu mangal᷊amatta Israel; al᷊amate lai wanua apan ala wuṛṛu masuwukka apan buatte nionggolu Mawu si yami ere lai su paaire-Nu su iupungngu al᷊amonan kami.’ ”

TAHIUL᷊E 27:3

Woṛṛeta'a su manga watu udde suapan bisara wuassu manga tita indi. Napawe i yamiu nasuttate su wanua apan ala wuṛṛu masuwukka apan pina'iren Mawu, Mawu Ruatan iupungngu al᷊amonanu si yamiu,

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.