TAHIUL᷊E 6:20 - WUKE SUSI WATTI'U AL᷊AL᷊USASSA

²⁰ Su allo sal᷊immurine manga anangngu sarun maiwal᷊o si'o, ‘Anio Mawu Ruatan kite nandolokki ite tadea'u tumuṛṛutta anambon parenta udde?’

TAHIUL᷊E 6:20 Referans Kwoze

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 12:26

Amungkangngu manga anangngu maiwal᷊o, ‘Apa atappasanne lal᷊aghu indi?’

AMSAL 22:6

Aṛṛa'ete sangkatou ana'a sambau lal᷊annu pabbiaṛṛanna apan ṛinone si tou, ne maddatingngu i tou matimmade i tou sarun mabbiakka aroddi.

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

SASABANGNGA 13:8

Su panattaṛṛannu ramea udde i yamiu ṛinone mabbatti'a su anangngu esakka manungku sarangkanambone udde niola'i yamiu ana waugu al᷊awo'a apan buatte niola'u Mawu si yamiu su tempo i yamiu nanantangngu wanua Mesir.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 6:19

wuṛṛu i yamiu sarun mallimbuakka manga seennu ere buatte pina'iren Mawu.

TAHIUL᷊E 6:21

Ne i yamiu ṛinone sumimbakka arendi, ‘Dorone i ite naola'a allangngu ratun Mesir, ana see namallossi ite ringannu atatohassa apan bahewalla.

DARALO 44:1

Daralon ṛuanganni Korah. Antari tatantiro. Su piaṛa'u mangangantari.

SASABANGNGA 10:2

wuṛṛu tadea'u i'o wotongnge mabbatti'a su ana'a pulunnu ereapa i Ya'u nannalangnga balahannu Mesir ringannu manga al᷊aṛṛindu'a udde. Ne i yamiu sarangkanambone masingkatta manungku ete i Ya'u Mawu.”