TAHIUL᷊E 4:35 - WUKE SUSI WATTI'U AL᷊AL᷊USASSA

³⁵ Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 4:35 Referans Kwoze

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

MARKUS 12:32

See hurun agama udde nabbisara Mawu Yesus, “Naṛṛino atonna, Iamangnga Huru! Atonna su wisaran Iamangnga: Ruata apan tinggassa, wuṛṛu tawe Ruata lai waine.

TAHIUL᷊E 32:23

Mangke sidutu Ta'u iapparanta asasilaka. Ta'u ipiti'a anambon anaang-Ku si mangitou.

MARKUS 12:29

Mawu Yesus sinumimbakka, “Parenta paarorone eteudde: ‘Paddaringikkawe, i yamiu walahannu Israel! Mawu Ruatan kite, Mawu udde tinggassa.

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

2 MARARATU 19:19

Ore Mawu, Ruatan kami, pallosaawe yami wuassu manga taumatan Asyur udde, tadea'u al᷊awo'u walahanna su runia masingkata manungku tumba'u I'o Ruata.”

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

1 KORINTUS 8:6

Arawe si ite, Ruata tumba'u tinggassa. I tou Iamangnga apan nandiaddi sarangkanambone. Ete hunane si Tou i ite mabbiakka. Wuṛṛu Mawu tumba'u sambau lai, eteudde Yesus Kristus. Sulal᷊ummi Tou sarangkanambone niriaddi, wuṛṛu ana waugu ete i Tou i ite wiakka.

SASABANGNGA 8:10

Sasimbakku ratu udde, “Aal᷊iomana'e i ya'u tiṛṛabbi.” Unni Musa, “I ya'u tumuṛṛutta apa apan raddoronganni Tuangku. Ne i Tuangku sarun maasingkatta manungku tawe Duata wal᷊ine ere Mawu, Ruatan kami.

SASABANGNGA 9:14

Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

TAHIUL᷊E 6:4

Tuṛṛa-tuṛṛangnga, naungete! Tumba'u Mawu, wuṛṛu Mawu sassane Ruatan kite!

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.

TAHIUL᷊E 32:12

aroddi Mawu sassane namiaṛṛa'u al᷊aṛṛanang-Nge, tawe Mawu waine apan uatantalongnga si tou.

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

YESAYA 43:10

Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

SASABANGNGA 8:6

Ne i Harun namal᷊aattu ta'inne su anambon sal᷊ukka, ana see nilumapputte manga aakka namene ahewallu wanua.

2 SAMUEL 7:22

I'o lembon mawantuga, oh Mawu Ruata, tumba'u I'o Ruata, taweddu nassul᷊ungngu Mawu. Yami masingkattu olangnge udde ana waugu buatte niapasingkatta ro'en dorone.

2 SAMUEL 22:32

Ana waugu tumba'u Mawu udde Ruata; tumba'u Ruata apan uasamba'a si ite.

1 TAWARIKH 17:20

Tumba'u I'o Ruata, taweddu nassul᷊ung-Ngu. Yami masingkattu olangnge udde ana waugu buatte niapasingkatta ro'en dorone.