TAHIUL᷊E 4:29 - WUKE SUSI WATTI'U AL᷊AL᷊USASSA

²⁹ Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

TAHIUL᷊E 4:29 Referans Kwoze

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

2 TAWARIKH 15:4

Arawe sutempo i mangitou sulal᷊ummu asasusa, i mangitou ma'iontolla su Mawu Ruatan Israel. I mangitou naddorongnga tatantiro-Ne ne i Tou nangonggola.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

TAHIUL᷊E 30:10

Arawe i yamiu ṛinone matuṛṛutta Mawu Ruatanu wuṛṛu tuttuṛṛuta al᷊awo'u tita-Ne apan uawoṛṛetta sulal᷊ummu wuke indi, wuke Titan Mawu. I yamiu ṛinone mabelengnga si Tou ringannu ahewallu naungngu.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

DARALO 119:145

Ringannu ahewallu naungnga i ya'u sussal᷊ande Si'o; simbaṛṛewe i ya'u oh Mawu, i ya'u maapulu tumuṛutta parenta-Nu.

DARALO 119:58

Ringannu ahewallu naungnga i ya'u sumal᷊ande darangngu-Nu, akkanaawe i ya'u uasul᷊ungngu paaire-Nu.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

NEHEMIA 1:9

Arawe amungkangngu i yami mabbelengnga apia ringan-Nu wuṛṛu tumuṛṛutta manga parenta-Nu, ne i yami apan nassal᷊iawukke udde sarun iammullu Mawu apia, salaiwe i yami uatana'a su manga pentakku runia. See i yami sarun iweleng-Ngu watukku tampa apan buatte nipile-Nu maola'a tampa patataṛṛamawuanna Si'o.

2 TAWARIKH 31:21

I tou mammanara pia gessine, ana waugu al᷊awo'u inolaanne su Wal᷊en Mawu ara'e tatuṛṛutta su manga titan Mawu, niapaamanne ringannu ahewallu naungnga wuṛṛu ringannu darangngu su Mawu Ruatane.

2 TAWARIKH 15:15

Tumana'u Yehuda sarangkanambone lulluassa ana waugu i mangitou buatte na'ola'a paaire udde ringannu ahewallu naungnge. I mangitou mal᷊uassa maddalo Mawu, wuṛṛu Mawu lai mal᷊uassa manengkamma si mangitou. I tou nangonggolu atatammudda su leta'i mangitou.

2 TAWARIKH 15:12

I mangitou naddiandi su Mawu manungku ringannu ahewallu naungnga wuṛṛu niawa, i mangitou sarun mabbiakka tuttuṛṛutta apulun Mawu Ruatan al᷊amonan mangitou.

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 26:16

“Allo indi Mawu Ruatanu namarenta si yamiu iapatuṛṛutta al᷊awo'u parenta indi; ola'e sarangkanambone udde ringannu matuṛṛutta wuṛṛu ringannu ahewallu naungngu.

YOSUA 22:5

Wuṛṛu paariagai tadea'u i yamiu sidutu tuttuṛṛutta tita apan nirolokki Musa si yamiu, eteudde: Pandangngute Mawu Ruatanu, tantalongke apulu-Ne, tantuṛṛutte manga parenta-Ne, pa'ala'e apulu-Ne, ringannu ahewallu naungngu wuṛṛu ahewallu.”

NEHEMIA 9:27

ne I'o nanantilli mangitou su seenne apan ringannu maṛṛagissa uataṛṛino wuṛṛu mangngallangnga si mangitou. Arawe sulal᷊ummu asasusa apan masaddatta, i mangitou sussal᷊ande Si'o maddorongnga sasumbala. Wuassu surga I'o naddaringikka; ringannu napenen darangngu I'o sinumibakka. I'o nandolokku piaṛṛa'a wuṛṛu tumannaṛṛanne apan mamallossi mangitou wuassu seetta.

YEREMIA 51:50

Mawu nabbisara su taumatan Israel apan uatana'a su Babel, “I yamiu nal᷊iute wuassu pamamate! Nariaddi, roote orassa indi lai! Arie paṛṛaddo! Salaiwe i yamiu marau wuassu wal᷊en, pannaungke si Ya'u, Mawunu, wuṛṛu su Yerusalem.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

AMOS 5:4

Mawu nabbisara su umattu Israel, “Pabbelengke ringang-Ku, ne i yamiu sarun mabbiakka.

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.