TAHIUL᷊E 4:24 - WUKE SUSI WATTI'U AL᷊AL᷊USASSA

²⁴ Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

TAHIUL᷊E 4:24 Referans Kwoze

IBRANI 12:29

Ana waugu Ruatang kite ere putungnga apan maatutungnga.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

TAHIUL᷊E 6:15

Amungkangngu i yamiu massubba manga monganna waine, ne i yamiu sarun aemaannu asasa'u Mawu Ruatanu wuṛṛu insueanna pateanna, ana waugu Mawu Ruatanu su pattangnganni yamiu maddiri isul᷊ungnga ringannu manga apa waine.

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

DARALO 21:9

I Tou sarun manametta anambon seenne, wuṛṛu manametta anambon taumata apan maddantinni Tou.

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

TAHIUL᷊E 32:16

I mangitou massubba paal᷊uanna, na'oman sara Mawu nasa'u, asasa'u-Ne nawitta ana waugu al᷊al᷊eo udde.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 30:27

Taṛṛino wuṛṛu awawantugu Mawu aasiloanna ro'en ta'e mara'u. Putungnga wuṛṛu timbulla mapal᷊iatta'u assasa'u-Ne. I Tou uahahatto mangitou, wuṛṛu manga wisara-Ne mannoṛṛobba ere putungnga.

SASABANGNGA 15:7

Ringannu awawantuga apan bahewalla I'o namate sarangkanambone apan lullawangnga Si'o. Asasa'u-Nu sussal᷊oi naal᷊ihidda putungnga, wuṛṛu nanutungnga si mangitou naal᷊ihidda laṛṛami.

2 MARARATU 24:20

Mawu mangke nasa'u atonna su tumana'u Yerusalem wuṛṛu su manga taumatan Yehuda na'oman sara i Tou tate lai mannaunga si mangitou.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

REENGANNA 25:11

“I Pinehas ana'i Eleazar, pulunni Imam Harun, ringannu waṛṛani mannahek-Ku arangku su pattangngannu taumatan Israel, na'oman sara asasau'u-U nompo'a wuṛṛu i Ya'u tate lai mamate walahanna udde.

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.