TAHIUL᷊E 4:23 - WUKE SUSI WATTI'U AL᷊AL᷊USASSA

²³ Paanaunge paapia-pia! Imbaṛṛangnga maabul᷊in pa'aire apan niola'u Mawu Ruatanu si yamiu. Paatuṛṛutte parenta-Ne; saran paassa imbaṛṛangnga i yamiu mallanginnu al᷊awo'u paal᷊uanna tadea'u subbanna,

TAHIUL᷊E 4:23 Referans Kwoze

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

MATIUS 24:4

Mawu Yesus sinumimbakka, “Paatehamma, arie ma'oman sara i yamiu awahianna.

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

1 TAWARIKH 16:15

I Tou sidutu uanaungnga pa'aire-Ne, pa'aire-Ne iappa'amatta saran mal᷊annu-l᷊annu.

YOSUA 23:16

Napawe i yamiu lumawanna pa'aire apan buatte nirolokku Mawu Ruatanu tadea'u sidutu tattuṛutanna, wuṛṛu i yamiu inai mattaṛṛamawu su manga Mawu waine see lai massubba manga Mawu udde, ne Mawu sarun masa'u, wuṛṛu maṛṛuumanni yamiu. Su lal᷊ummu tempo apan mal᷊ihakka i yamiu sarangkanambone sarun mawul᷊i wuassu wanua apan mapia indi, apan nionggolu Mawu si yamiu.”

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

TAHIUL᷊E 29:25

Wuṛṛu sasimbakke eteudde, ‘Ana waugu i mangitou tinumal᷊iudda pa'airen Mawu, Mawu Ruatan iupungngu al᷊amona mangitou; pa'aire apan niolang-Nge ringanni mangitou su tempo i Tou nangapiddi mangitou sinumabbangnga wuassu Mesir.

LUKAS 21:8

Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YOSUA 23:11

Ana waugu udde paanaunge mandangngu Mawu Ruatanu.

TAHIUL᷊E 27:9

Wua'udde suadio'a ringannu manga imam Lewi, i Musa nabbisara su anambon balahannu Israel, “Tuṛṛa-tuṛṛangnga, panutukke wuṛṛu paddaringikke! Allo indi yamiu naola'a al᷊aṛṛana'u Mawu Ruatanu.

TAHIUL᷊E 6:12

paariagai mapia-pia tadea'u imbaṛṛangnga i yamiu maabul᷊in Mawu apan buatte namallosi yamiu wuassu Mesir, su tampa i yamiu niola'a allangnga.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

TAHIUL᷊E 4:25

See lai amungkangngu i yamiu mal᷊annute uatana'a su wanua udde wuṛṛu piate ana'a pulunna, arie i yamiu marosa ana waugu na'ola'a su watangannu paal᷊uanna sulal᷊ummu al᷊awo'u lihiddu manga apa. Inolaanna udde sambau al᷊al᷊eo su mata Mawu Ruatanu wuṛṛu i Tou sarun masa'u.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

2 MARARATU 17:38

wuṛṛu imbaṛṛangnga maabulini paaire-U si yamiu.

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

TAHIUL᷊E 5:2

Su Wowon Sinai Mawu Ruatan kite na'ola'a sambau pa'aire,

TAHIUL᷊E 16:22

wuṛṛu imbaṛṛangnga mapararisikku diṛṛi ipassubba monganna, ana waugu Mawu Ruatanu maddantinnu pallal᷊agu udde.

YEHEZKIEL 8:10

I ya'u lai sinumuttate wuṛṛu na'ellega. Manga darandungngu wabbo'a udde nihambarannu al᷊awo'u hatin atoanna wuṛṛu manga winatangnga apan ipappalli waine, see lai al᷊awo'u hambarannu paal᷊uanna apan sassubbannu manga taumatan Israel.