TAHIUL᷊E 33:28 - WUKE SUSI WATTI'U AL᷊AL᷊USASSA

²⁸ Ne papapulunni Yakub sarun mabbiakka ringannu matammuda su wanua napenen gandumma wuṛṛu ua'e anggore, wuṛṛu niwokkannu angngukka wuassu langitta.

TAHIUL᷊E 33:28 Referans Kwoze

REENGANNA 23:9

Wuassu puiddu manga wowone i ya'u ma'asilo si mangitou; wuassu manga wuidda i ya'u ma'ellega si mangitou. Pa'ellega sambau walahanna apan uaṛṛae tawe nasutta su wageangngu walahanna waine.

SASABANGNGA 33:16

Ereapa taumata sarun maasingkatta manungku I'o mal᷊uassa si ya'u wuṛṛu su walahanna indi amungkangngu I'o tawe mantul᷊ungngi yami? Darantan Mawu su pattangnganni yami sarun paṛṛalane si yami wuassu manga walahanna waine su runia.”

PANDARIADDI 27:28

Antimanna Ruata mangonggola si'o wal᷊angngukka wuassu langitta, wuṛṛu ma'ola'a manga wawail᷊annu masuwukka! Antimanna i Tou mangonggola si'o gandumma wuṛṛu anggore apan manambo-nambo!

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.

DARALO 68:26

Su saruanne u'amatta manga mangangantari, su liudde manga mananalanga kecapi; su pattangnganne manga maṛṛuala mananengkella rebana; ete arendi antarin mangitou;

TAHIUL᷊E 11:11

Arawe wanua apan sarun suttanni yamiu eteudde manga leta'u panenteanna wuṛṛu manga wawal᷊anna; letangnge pangngeleṛṛannu ua'en kuranna.

TAHIUL᷊E 33:13

Su papapulunni Yusuf i tou nabbisara: “Antimanna leta'i mangitou al᷊amatannu Mawu ringannu uranna, wuṛṛu ua'e wuassu wantan dunia.

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.

PANDARIADDI 27:37

I Ishak sinumimbakka, “I ya'u buatte na'ola'a si tou mawunu; wuṛṛu anambon manga tuṛṛangnge ta'u niola'a allangnge. I ya'u buatte nangonggola si tou gandumma wuṛṛu anggore. Orassa indi tate apa-apan ta'u olaanna si'o Ana'u!”

PANDARIADDI 27:39

Wua'udde i Ishak nabbisara si tou, “Tate lai angngukka wuassu langitta si'o, tate lai wawail᷊anna apan masuwukka si'o.

TAHIUL᷊E 32:8

Su tempo Apan Atanggaṛṛanne nattahia leta'a, suapan balahanna nitantunna wageangngu letangnge ringannu sambau Mawu maola'a matataṛṛinone.

TAHIUL᷊E 33:12

Su ṛuanganni Benyamin i tou nabbisara: “Ete indi ṛuanganna apan arangnguannu Mawu. I Tou ual᷊u'adda si mangitou allo wuṛṛu ṛabbi wuṛṛu uatana'a suwallati mangitou.”

AMSAL 3:20

Ringannu asingkan-Ne i tou nandiaddi manga al᷊imatan kua'e su al᷊ungngu leta'a nawa'a pangeleṛṛannu ua'ene see lai winabbawa su langitta nanossokku ua'e su runia.

AMSAL 19:12

Asasa'un datu ere tingikku singa; apapian datu naal᷊ihidda wal᷊angngukka apan nakkolo al᷊awo'u sinuananna.

YEREMIA 49:31

‘Otte inaite! Wette mamangalo manga taumata apan uapendamma mal᷊angnganna wuṛṛu matammudda udde. Soa mangitou tawe lal᷊indumme ana waugu tate ngaran pasallanganne wuṛṛu tate papal᷊ene.’ ”

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

TAHIUL᷊E 12:10

Napawe i yamiu buatte nilumewessa Sal᷊ukku Yordan, Mawu Ruatanu sarun mantul᷊ungngi yamiu matana'a wuṛṛu mamanua su leta'a samba'an sal᷊ukka udde. I Tou sarun mallu'adda si yamiu wuassu al᷊awo'u seetta, wuṛṛu i yamiu sarun mabbiakka ringannu matammamudda wuṛṛu mal᷊uassa.

1 MARARATU 5:5

Mawu buatte naddiandi arendi su iamangku Daud, “Anangngu apan Ta'u itenega maola'a ratu mallol᷊ossa si'o sarun mapararisikku wal᷊en tampa patataṛṛamawuanna si Ya'u.” Ana waugu udde, Tuangnga Hiram Apan Mawantuga, i ya'u, Salomo, buatte nakkawessa mapararisikku wal᷊en udde.

ZAKARIA 14:11

Manga taumata sarun matana'a ringannu matammudda su soa udde, ringannu tawe wawansagu papate.