TAHIUL᷊E 33:26 - WUKE SUSI WATTI'U AL᷊AL᷊USASSA

²⁶ “Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

TAHIUL᷊E 33:26 Referans Kwoze

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

HABAKUK 3:8

Oh Mawu, ana wauge ete tahal᷊oangnga I'o nasa'u? Ete manga sal᷊ukka apan naaola'a Si'o mandona? I'o sinuma'e winabbawa naola'a awal᷊o wuṛṛu keretan pangalo, sutempo uman-Nu nionggol᷊a-Nu auntunganna.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

DARALO 104:3

wuṛṛu napararisikku Wal᷊en-Nu su wowon ua'e su winalanganna. Manga winabbawa niolang-Ngu kereta-Nu, I'o uasa'e papaiddu anginna.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

DARALO 18:10

Langitta niwaa-Ne, ana see sinumossoke i Tou ringannu winabbawa marandumma su al᷊ungngu ledda-Ne.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

YESAYA 66:8

Isai buatte naaringikka olangnge ereudde? Isai buatte naasilo arariaddianna lihidde ereudde? Arawe walahannu Israel nasungkangke sutempo Sion mannatakke ma'apendamma taddu'a manungkangnga.

DARALO 68:4

Arawe taumata ma'imanna lullala'a wuṛṛu lulluassa, i mangitou mangngintul᷊in al᷊al᷊uassa su saruannu Ruata.

SASABANGNGA 8:10

Sasimbakku ratu udde, “Aal᷊iomana'e i ya'u tiṛṛabbi.” Unni Musa, “I ya'u tumuṛṛutta apa apan raddoronganni Tuangku. Ne i Tuangku sarun maasingkatta manungku tawe Duata wal᷊ine ere Mawu, Ruatan kami.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 10:14

Mawu Ruatanu uatahuanna langitta atanggaṛṛanne; runia lai tatahuanan-Ne suadio'a ringannu lal᷊oṛṛone.

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

HOSEA 13:9

I Ya'u sarun makkimunsa'a si yamiu, ei walahannu Israel! Wuṛṛu isaite apan wotongnge mangontolla si yamiu?

AMOS 8:7

Mawu, Ruatan balahannu Israel, buatte nassalu, “I Ya'u mangke tawe maabul᷊i inolaanni mangitou apan dal᷊eo.

SASABANGNGA 8:6

Ne i Harun namal᷊aattu ta'inne su anambon sal᷊ukka, ana see nilumapputte manga aakka namene ahewallu wanua.

SASABANGNGA 15:7

Ringannu awawantuga apan bahewalla I'o namate sarangkanambone apan lullawangnga Si'o. Asasa'u-Nu sussal᷊oi naal᷊ihidda putungnga, wuṛṛu nanutungnga si mangitou naal᷊ihidda laṛṛami.

TAHIUL᷊E 33:5

Su tempo Israel uaammula ringannu manga piaṛṛangnge, Mawu nabbal᷊i Ratu su al᷊aṛṛanang-Nge.”

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.