TAHIUL᷊E 32:47 - WUKE SUSI WATTI'U AL᷊AL᷊USASSA

⁴⁷ Al᷊aṛṛa'a udde wal᷊inewe manga wisara wawahia, ewe'e udde maawiakka sio. Paatuṛṛutte su anambon parenta udde, tadea'u uukka mal᷊o'engnga su wanua apan tate mal᷊annu lai atanaanni yamiu su samba'an Sal᷊ukku Yordan.”

TAHIUL᷊E 32:47 Referans Kwoze

AMSAL 4:22

Taumata apan maasunna sarun masal᷊amatta wuṛṛu maola'a lal᷊umanna'a.

IMAMATTA 18:5

Paatuṛṛutte manga atoranna wuṛṛu manga tita apan Ta'u nionggola si yamiu. Amungkangngu i yamiu na'ola'a aroddi, wiakku masal᷊amatta. Ete i Ya'u Mawu.”

2 PETRUS 1:16

Su tempo i yami namasingkatta si yamiu aroddi awantuge daranta Mawun kite Yesus Kristus, i yami tawe uatundeetta su manga wa'e iaaṛṛa'u taumata. Awawantugi Kristus udde suete niasiloanni ami ringannu matan kami sassane.

AMSAL 3:22

ne pabbiaṛṛannu sarun papadul᷊iananna – maṛṛamaga wuṛṛu maal᷊uassa.

2 PETRUS 1:3

Ruata suete nappaattu taṛṛino-Ne sassane wuṛṛu nangonggolu al᷊awo'u sarannapa si ite apan ipappaatta su patataṛṛamawuanna. Inolaanni Tou indi wuassu apa apan niasingkatanni ite su ola'u Mawu Yesus Kristus, apan suete namaggo si ite mamendamma awawantu-Ge wuṛṛu apapia-Ne.

AMSAL 3:18

Taumata apan uaagassa matohassa su asingkatta sarun mabbiakka tutune wuṛṛu su lal᷊umanna'a.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

WATTI'U MANGA RASUL 7:38

Ete i Musa lai apan su pattangngannu walahannu Israel su wadda'a, naola'a uatangnga mala'ekatta apan mabbisara si tou su Wowon Sinai ringannu iupungngu al᷊amonang kite. Ete i tou apan nanengkamma watti'a apan wiakka wuassu Ruata niapaasingkatta si ite.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”

AMOS 5:4

Mawu nabbisara su umattu Israel, “Pabbelengke ringang-Ku, ne i yamiu sarun mabbiakka.

TAHIUL᷊E 30:16

Allo indi ya'u mamarenta si yamiu tadea'u mandangngu Mawu Ruatanu wuṛṛu tumuṛṛutta si Tou apiddu tumuṛṛutta al᷊awo'u tita wuṛṛu parenta-Ne tadea'u i yamiu maala wuṛṛu maola'a sambau walahanna apan wahewalla. Mawu Ruatanu sarun mangal᷊amatta si yamiu su wanua apan tate mal᷊annu lai pamanuanni yamiu.

TAHIUL᷊E 31:13

Ringannu olangnge aroddi manga al᷊aṛṛanangngu apan taambe naaringikka titan Mawu Ruatanu wotongnge maaringikka wuṛṛu masingkatta mangaddata Mawu su al᷊o'engngu i mangitou mabbiakka su wanua apan tate mal᷊annu lai atanaanni yamiu su samba'an Sal᷊ukku Yordan.”

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.