TAHIUL᷊E 32:41 - WUKE SUSI WATTI'U AL᷊AL᷊USASSA

⁴¹ I Ya'u sarun mandampassu hal᷊ele-U apan lullendappa, wuṛṛu mappaamattu pallaṛṛuumanna. Ta'u wal᷊isanna anambon se'e-U wuṛṛu Ta'u iṛṛuumanna anambon apan maddanting-Ku.

TAHIUL᷊E 32:41 Referans Kwoze

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

DARALO 7:12

Eteudde Ruata mallaṛṛuunga apan matul᷊idda, apan suapan tempo makkumannu taumata lal᷊eo.

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

MARKUS 1:2

Watti'u Al᷊al᷊uassa udde nanattakka ere suete niwoṛṛetti Nabi Yesaya, arendi, “ ‘Ete indi ralol᷊oṛṛang-Ku,’ wisaran Duata; ‘I Ya'u nandolokki tou malliu ṛoro wuassi'o, tadea'u i tou mamu'a lal᷊an-Nu.’

ZEFANYA 2:12

See lai tumana'u Sudan sarun aṛṛiannu ṛuumanna pateanna ṛattangannu Mawu.

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.

YESAYA 66:6

Paddaringikka! Pia tingikka ruddallu'a su soa; pia tingikka su Wal᷊e-U; eteudde tingi-U apan tantal᷊anna mabbal᷊issa seetta!

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

REENGANNA 10:35

Suapan Bantallu Pa'aire udde sarun iapidda, i Musa mabbisara, “Darisikke, oh Mawu, sal᷊iawuṛṛa'e seennu, ma'oman sara taumata apan maddantinnu Mawu tumal᷊angngu watanganne.”

DARALO 31:23

Sulal᷊ummu i ya'u niumal᷊ingu i ya'u massunna Mawu buatte nandamme'u wuassu araratuan-Ne. Arawe i Tou buatte naddaringikka sasal᷊ande'u sutempo i ya'u sinumal᷊ande si Tou.

YEREMIA 44:26

Arawe orassa indi paddaringikke apa apan Ta'u iwisara si yamiu, ei taumatan Israel su Mesir: i Ya'u, Mawu, massalu ringannu arang-Ku apan mawantuga manungku i yamiu tate lai Ta'u iwala mappaattu arang-Ku ipakiinnu sambau paaire. I yamiu tawe wotongnge mabbisara, ‘I Ya'u massalu ringannu arannu Ruata apan biakka!’

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

TAHIUL᷊E 7:10

Arawe ringannu tawe humago'a i Tou makkuumanni mangitou apan maddantinni Tou.

DARALO 7:13

Amungkangu pallal᷊aghun mangitou tawe mawal᷊u, I Tou uasaddiate ringannu ahidda apan maapate. I Tou nangagassa hal᷊el᷊e-Ne wuṛṛu nangannata al᷊ati'an-Ne, ana see namiti'u manga anaan-Ne apan pia putungnge.

DARALO 149:9

ipakkuumannu manga walahanna wuassu parentan Duata. Eteudde auntungannu umatta apan arangnguan-Ne. Paddalote Mawu!

YEREMIA 50:18

Ana waugu udde, i Ya'u, Mawu Apan Lembontaṛṛino, Ruatan Israel, sarun makkuumanni Ratu Nebukadnezar wuṛṛu wanuane ere lai Ya'u nakkuumannu ratun Asyur.

YEHEZKIEL 25:14

Walahang-Ku Israel sarun Ta'u ipaatta ipabbal᷊issa naungnga lal᷊eo su Edom, wuṛṛu Edom sarun olaanna ringannu asaddatu asasa'u-U. Edom sarun maasingkatta ereapa temangnge maola'a tuddan asasa'u-U. I Ya'u Mawu Apan Atanggaṛṛanne buatte nabbisara.”

YEHEZKIEL 32:10

Atonna, i Ya'u sarun mallimben hal᷊ele-U wuṛṛu mamaddonu. Sutempo udde i mangitou sarun mangngindon atata'utta wuṛṛu mangngiladda ana waugu matta'utta mate.’ ”