TAHIUL᷊E 31:7 - WUKE SUSI WATTI'U AL᷊AL᷊USASSA

⁷ Ana see i Musa namago si Yosua, wuṛṛu su saruannu anambon walahannu Israel i tou nabbisara si Yosua, “Ṛinone naungngu matammudda wuṛṛu waṛṛani, Yosua! Ete i'o apan sarun mamiaṛṛa'u walahanna indi inai matana'a su wanua apan pina'iren Mawu su iupungngu al᷊amona mangitou.

TAHIUL᷊E 31:7 Referans Kwoze

TAHIUL᷊E 3:28

Onggol᷊ete manga tatantiro i Yosua. Paatanaa'a naungnge, ana waugu ete i tou apan mamiaṛṛa'u walahanna udde watukku samba'a wuṛṛu mangintaṛṛo su wanua apan aellehannu udde.’

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

TAHIUL᷊E 1:38

Arawe paatana'a naungngu masasumbalanu, i Yosua ana'i Nun. Ete i tou apan sarun mamiaṛṛa'u Israel mangaṛṛo leta'a udde.’

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

TAHIUL᷊E 31:3

Mawu Ruatanu sassane sarun umamatta malliu ṛoro wuṛṛu mamate manga walahanna apan uatana'a isudde, ma'oman sara i yamiu wotongnge mamanua su leta'i mangitou. I Yosua sarun maola'a piaṛṛa'i yamiu, ere buatte niwal᷊on Mawu.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

REENGANNA 27:19

Pararisiṛṛa'e i tou su saruanni Imam Eleazar wuṛṛu anambon balaga. Su saruanni mangitou sarangkanambone i'o ṛinone mamasingkatta manungku i Yosua pinallol᷊ossa si'o.

TAHIUL᷊E 11:8

“Paatuṛṛutte anambon tita apan ta'u niapasingkatta si yamiu allo indi, ya'u wotongnge lumewessa sal᷊ukka wuṛṛu maasutta watukku wanua apan tate malannu lai atanaanni yamiu.

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

REENGANNA 13:20

Paatammudda naungngu. Ellehete tanne letangnge masuwukka wuṛṛu manambo aaluanne. Arie paabul᷊iane mapul᷊e pangapiddu addio'a manga wuan kalu apan uatuwo poiaroddi.” Su tempo udde panattaṛṛannu anggore mabbua.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

2 SAMUEL 10:12

Paatammudda! Wette i ite mapapangalo ringannu waṛṛani hunan walahanni ite wuṛṛu manga soan Ruatan kite. Doronganna Mawu ma'ola'a sarangkanambone apan ipaapulu-Ne.”

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.