TAHIUL᷊E 3:14 - WUKE SUSI WATTI'U AL᷊AL᷊USASSA

¹⁴ I Yair wuassu ṛuanganni Manasye nanganu ahewallu wageangngu leta'u Argob, eteudde wuassu Basan maddatingngu passarannu Gesur wuṛṛu Maakha. Manga ampungnga udde nisaggon tou tumuṛṛuttu aranne sassane, wuṛṛu naddatingngu orassa indi ta'e tinumelengnga manga ampungngi Yair.)

TAHIUL᷊E 3:14 Referans Kwoze

REENGANNA 32:41

I Yair, wuassu ṛuanganni Manasye, namangalo wuṛṛu nangaṛṛo manga pira ampungnga ana see nisaggo mangitou “Manga ampungngi Yair”.

2 SAMUEL 13:37

I Absalom nassal᷊iu watukku wal᷊en araratuannu ratun banua Gesur, eteudde ringanni Talmai ana'i Amihur. I tou natana'a isudde al᷊annune tatallu su tonnane. I Daud mal᷊annu nilumal᷊on Amnon,

2 SAMUEL 10:6

Wua'udde taumatan Amon naatutukka manungku inolaanni mangitou udde naaola'a si Daud naisaseetti mangitou. Ana waugu udde i mangitou nanewa 20.000 su atoune tantaran Siria apan uatana'a su Bet-Rehob wuṛṛu Zoba, see lai 12.000 su atoune tantara wuassu Tob, see lai ratu wuassu wanua Maakha ringannu 1.000 su atoune tantarane.

2 SAMUEL 3:3

i Kileab. Inangnge eteudde i Abigail, inawal᷊uanni Nabal wuassu Karmel. i Absalom. Inangnge eteudde i Maakha, ana'i Ratu Talmai wuassu Gezur.

YOSUA 13:13

Arawe tumana'u Gesur wuṛṛu Maakha tawe nilimbuaṛṛannu taumatan Israel; i mangitou ta'e uatana'a su Israel.

TAHIUL᷊E 3:4

Su tempo udde i ite naapangaṛṛo anambon soane, tawe saran ambau apan natantangnga. Sarangkanambone annumu pul᷊o soa apan niaaṛṛo su ahewallu wageangngu leta'u Argob, apan paparentanni Ratu Og wuassu Basan.

TAHIUL᷊E 3:13

Su sambageanganna ṛuanganni Manasye i ya'u nangonggolu lamben leta'u Gilead, wuṛṛu lai wageangngu leta'u Basan apan wua niparentanni Og; eteudde ahewallu wageangngu leta'u Argob.” (Basan tinumelengnga naola'a wanuan taumatan Refaim.

YOSUA 12:5

Wageangngu leta'a paparentanne eteudde wuassu Wowon Hermon, Salkha, wuṛṛu ahewallu Basan maddatingngu araune su wageangngu leta'u Gesur wuṛṛu Maakha, wuṛṛu lai naapanganu samba'a wageangngu leta'u Gilead araune maddatingngu wageangngu leta'a paparentanni Ratu Sihon su soan Hesybon.

2 SAMUEL 14:23

Ana see i Yoab inaite watukku Gesur mangal᷊appa si Absalom mabelengnga su Yerusalem.

DARALO 49:11

Tawe, i tou sarun maasilo manungku taumata pande lai mate. Taumata longonna wuṛṛu woddo suadio'a nate, wuṛṛu manantangu darotongnge su taumata waine.

YEREMIA 40:8

Ne i Ismael ana'i Netanya, i Yohanan ana'i Kareah, i Seraya ana'i Tanhumet, wuṛṛu al᷊aṛṛana'i Efai wuassu Netofa, see i Yezanya wuassu Maakha inaite ringannu manga taumata mangitou ringanni Gedalya su Mizpa.

2 SAMUEL 20:26

Imam su wal᷊en araratuanna; i Ira wuassu soan Yair.