TAHIUL᷊E 29:8 - WUKE SUSI WATTI'U AL᷊AL᷊USASSA

⁸ Leta'i mangitou niaṛṛon kite wuṛṛu tinahian kite su ṛuanganni Ruben, i Gad wuṛṛu sambageanganna ṛuanganni Manasye.

TAHIUL᷊E 29:8 Referans Kwoze

REENGANNA 32:33

Wua'udde i Musa nanantilla su manga ṛuanganni Gad wuṛṛu i Ruben wuṛṛu su sambageanganna ṛuanganni Manasye ahewallu leta'u i Sihon, ratun i Amori, wuṛṛu wageangngi Og, ratun Basan, nasutta manga soa wuṛṛu leta'a maranine.

REENGANNA 32:32

Su al᷊ungngu piaṛṛa'u Mawu yami sarun lumewessa watukku wanua Kanaan inai mapapangalo, arawe antimanna leta'a su samba'an da'in Sal᷊ukku Yordan indi sidutu maola'a pussa'an kami.”

DARALO 135:12

Ana see i Tou nanantillu wanuan mangitou maola'a pussa'an Israel al᷊aṛṛanang-Nge.

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.