TAHIUL᷊E 29:24 - WUKE SUSI WATTI'U AL᷊AL᷊USASSA

²⁴ Ne ahewallu runia sarun maiwal᷊o, ‘Anio Mawu na'ola'a aroddi su wanua mangitou? Anio ana waugu i Tou aroddi ahewalle nasa'u?’

TAHIUL᷊E 29:24 Referans Kwoze

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

YEHEZKIEL 14:23

See lai i yamiu sarun maasunna manungku al᷊awo'u inolaang-Ku udde pia pangiananne. I Ya'u Mawu Apan Atanggaṛṛanne buatte nabbisara.”

LAL᷊ALLU 4:12

Su wallattu manga ratu wuṛṛu tumana'u runia tawe saran sangkatou apan mangngimanna manungku manga ngaran soa Yerusalem wotongnge asuttannu seetta.

YESAYA 65:11

Arawe wal᷊ine aroddi pal᷊addu manga taumata apan nanantang-Ku, apan tawe pandumme su Sion, wui-U apan susi, apan mannengokku anna si Gad wuṛṛu si Meni, manga mongannu auntunganna wuṛṛu pal᷊addu taumata.

YEREMIA 5:19

Arawe amungkangngu i mangitou maiwal᷊o anio i Ya'u na'ola'a sarangkanambone udde su saruanni mangitou, wal᷊oa'e ei Yeremia, manungku ereapa i Ya'u buatte tinantangngi mangitou su wanua mangitou sassane huna mattaṛṛamawu manga mongannu walahanna waine, aroddi lai i mangitou sarun maola'a allangngu manga taumata raho su wanua waine.”

YEREMIA 16:10

Napawe i'o mamasingkattu sarangkanambone indi si mangitou, asinungka i mangitou sarun maiwal᷊o anio i Ya'u makkuumanni mangitou aroddi ahewalle. I mangitou sarun maiwal᷊o apa pasasal᷊a wuṛṛu rosa mangitou si Ya'u, Mawu Ruata mangitou.

YEREMIA 40:2

Komandannu tantara udde namaggo si ya'u sassane wuṛṛu nabbisara, “Mawu Ruatanu buatte namansagga makkimunsa'a wanua indi.

IMAMATTA 26:32

Wanuanu sarun Ta'u ṛimunsaanna atonna, na'oman sara manga seetta apan matana'a ṛumindu'a maasilo ahewallu asasilaka udde.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

2 MARARATU 18:12

Samaria nanawo ana waugu taumatan Israel tawe tumuṛṛutta Mawu, Ruatan mangitou. I mangitou nabbaha pa'aire apan niola'u Mawu si mangitou wuṛṛu nilumawanga anambon parentan Musa, allang-Nge. I mangitou maddiri maddaringikka wuṛṛu maddiri tumuṛṛutta Mawu.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.