TAHIUL᷊E 28:49 - WUKE SUSI WATTI'U AL᷊AL᷊USASSA

⁴⁹ Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

TAHIUL᷊E 28:49 Referans Kwoze

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

YEREMIA 49:22

Naal᷊ihidda manu'a asiaṛṛe mangngametta ringannu papaidda uasiappakka, aroddi lai seetta sarun dumanta wuṛṛu mangametta Bozra. Su allo udde tantaran Edom sarun mata'utta ere wawine apan mangunsiwete.”

YEREMIA 48:40

Mawu nabbisara, “Naal᷊ihidda manu'a asiaṛṛe mangngametta papaidda uasiappakka, aroddi lai sambau araratuanna sarun dumanta wuṛṛu mangametta Moab.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

YEHEZKIEL 17:12

“Iwal᷊oite su manga lumal᷊awanga udde, apa i mangitou maasunna atappasannu sasumandinga udde. Wal᷊oa'a si mangitou manungku ratun Babel buatte nirumanta su Yerusalem, wuṛṛu naṛṛootta ratun Yehuda see manga mamanaran soa udde watukku Babel.

1 KORINTUS 14:21

Sulal᷊ummu Wuke Susi uawoṛṛetta arendi, “Mawu nabbisara, ‘Ringannu tatal᷊oarannu manga taumata apan mabbisara ringannu sasinaukka tawe iasunna, I ya'u sarun mabbisara su walahanna indi. Wuṛṛu lai ringannu tatal᷊oarannu manga taumata raho, i ya'u sarun mabbisara su walahang-Ku; salaiwe aroddi, i mangitou maddiri maddaringikka wisara-U.’ ”

MATIUS 24:28

Suapa pia winatangnga nate, isudde lai pia manu'a u'inassa winal᷊unannu winatangnga nate udde.”

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

REENGANNA 24:24

Arawe wuassu Siprus sarun dumanta sambau ammul᷊annu apalla i mangitou sarun mangaṛṛo Asyur wuṛṛu Heber, wua'udde ammul᷊annu apalla udde lai sarun masue.”

PANDARIADDI 11:7

Mappianne i ite sumossokke wuṛṛu manongkakku sasinaukki mangitou tadea'u i mangitou tate waṛṛun kasunanna.”

DARALO 81:5

Ana waugu olangnge udde sambau atoranna su Israel, sambau parenta wuassu Ruatan Yakub.

AMSAL 30:19

manu'a a'a apan tuttlla'a su winalanganna, atoanna apan tuttondo su wowon batun sahatta, apalla apan maseenggotta su tangngan tahal᷊oangnga, wuṛṛu sampare maṛṛuala umbasanna apan tantal᷊anna uararangngu.

YESAYA 7:18

Sutempo udde Mawu sarun mamaggo taumatan Mesir wuṛṛu taumatan Asyur, ana see walahanna darua udde rumanta naal᷊ihidda ammul᷊annu lango wuṛṛu attimpua apan uaṛṛimpulunna manga rampissa wuṛṛu loṛṛangngu watu. I mangitou sarun manaappa suapan ahuranganna ṛoaanna wuṛṛu manga tampa nannal᷊one.

YESAYA 33:19

I yamiu tate lai maasilo manga taumata lo'a maṛṛagissa apan mabbisara sulal᷊ummu sasinaukka apan tawe asunnannu.

YESAYA 39:3

Wua'udde i Nabi Yesaya sinumaruanna si Ratu Hizkia wuṛṛu naiwal᷊o, “Wuassuapa manga taumata udde? Apa unni mangitou?” I Hizkia sinumimbakka, “I mangitou wuassu Babel, wanua apan marau.”

YEHEZKIEL 11:9

I yamiu sarun Ta'u iapidda sumabbangnga wuassu soa wuṛṛu Ta'u itantilla su taumata raho. I Ya'u buatte nangema'u ṛuumanna mate si yamiu.

DANIEL 7:4

Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.